Worsie Visser
From Wikipedia, the free encyclopedia
Hermias Cornelis (Worsie) Visser (3 September 1963 – 4 Mei 1998) was 'n bekende Afrikaanse sanger. Visser was bekend vir liedjies soos Lekker ou Jan, Ek en My Meisie, Boesmanland, Gee die Hond Wind en Osbraai op Kromdraai. Hy is op 35-jarige ouderdom in 'n vliegtuigongeluk by Saldanha oorlede.[1][2] Ná sy dood het dit bekend geword dat sy stembande besig was om in te gee en dat sy sangloopbaan waarskynlik verby was.[3]
Worsie Visser | |
---|---|
Geboortenaam | Hermias Cornelis Visser |
Gebore | 3 September 1963 Vredendal |
Sterf | 4 Mei 1998 Saldanha |
Genres | Ligte Afrikaanse musiek |
Beroep(e) | Sanger |
Instrumente | Stem |
Etikette | Gazania-musiek |
Assosiasies | Zirk Bergh |
Visser se broer, Michiel, het die baskitaar in Worsie se Boesmanland-orkes gespeel. Hy het later self 'n paar CD's uitgereik, onder andere Kom kuier by my, Lekker Boesmanland, Hier's ek weer en Bitter snare.
Een van Worsie se kitaarspelers, Zirk Bergh, later 'n sanger uit eie reg, het homself en verskeie ander op 14 Desember 2013 om die lewe gebring.