Dr Eewig Juud
e Figur us christlige Volkssaage, wo vo Antisemite für iiri Bropaganda verwändet wird / From Wikipedia, the free encyclopedia
Dr Eewig Juud (au wandernd Juud) isch e Figur us christlige Volkssaage, wo im 13. Joorhundert entstande isch. Si häi vom ene Maa, wo d Häärkumft von em ursprünglig umbekannt gsi isch. Dä het dr Jesus Christus uf em Wääg zur Chrüzigung verspottet und isch wäge däm verfluecht worde, ass er unstärblig für immer dur d Wält müess wandere. S anonüüme düütschsproochige Volksbuch vom Ewigen Juden, wo 1602 z Leiden druckt worde isch, het us dere Figur e Juud gmacht und iim dr Naame Ahasveros (Ahasverus, e Aaspiilig uf e nitjüüdische Köönig) gee. Die Wariante het sich in ganz Öiropa verbräitet und isch vo Antisemite immer wider as Argumänt gege d Juude broocht worde.
D Figur vom Juud, wo eewig dur alli Zite muess wandere, het in de Volkssaage vo de verschiidene Kulture underschidligi Nääme gha (Cartaphilus, Buttadeus, Matathias, Paul Marrane[1] und andere[2]). Z Frankriich isch dr Naame Isaac Laquedem glöifig gsi,[3] und isch in Legände aber au in ere Nowälle vom Alexandre Dumas vorchoo.
Si isch sithäär in e hufe literarische Wärk, in dr Kunst und in dr Muusig as Thema vorchoo. Si het im Antisemitismus vor allem in dr nazionalsozialistische Bropaganda in dr Zit vom Nazionalsozialismus e groossi Rolle gspiilt.