ملكية عامة
From Wikipedia, the free encyclopedia
الملكيه العامه بتتالف من كل الاعمال الابداعيه اللى ما بتنطبقش عليها اى حقوق ملكيه فكريه حصريه, ممكن تكون الحقوق دى منتهيه الصلاحيه,[1] او مفقودهً,[2] او متنازل عنها او غير قابله للتطبيق.[3]
من الامثله علىداه, اعمال ويليام شكسبير و لودڤيش فان بيتهوفين و معظم الافلام الصامته الاولى, اللى بتعتبر ملكيه عامه بسبب تاليفها قبل وجود حقوق النشر او انتهاء صلاحيه حقوق نشرها. بتعتبر بعض الاعمال ملكيه عامه لو ما كانتش بتملك حقوق نشر – من بينها الصيغ الفيزيائيه النيوتنيه, و وصفات الطبخ[4] و كل برامج الكومبيوتر اللى اتعملت قبل سنة 1974.[5]
فيه اعمال تانيه مكرسه من مؤلفيها للملكيه العامه (متنازل عنها) بتشمل الامثله على داه التطبيقات المرجعيه للخوارزميات المشفره[6][7][8] و برنامج معالجه الصور «ايميج جاى»[9] و مصطلح ملكيه عامه فى العاده ما بينطلقش على الحالات اللى بيحتفظ فيها صانع العمل بحقوق متبقيه, و بيتشار ليها وقت استخدامها فى الحاله دى بغرض انجاز عمل معين, «بترخيص» او «مع تصريح».
بسبب الاختلاف الحقوق حسب كل دوله و سلطه قضائيه ممكن يخضع العمل لحقوق ملكيه فى بلد ما و يعتبر ملكيه عامه فى بلد تانى, بتعتمد بعض الحقوق على التسجيلات فى كل دوله على لوحدها, غياب التسجيل فى دوله معينه ممكن يدى العمل صفة الملكيه العامه فى الدوله, و من الممكن يستخدم مصطلح الملكيه العامه بالتبادل مع مصطلحات تانيه موش دقيقه او محدده, زى «الحيز العام» او «المشاعات العامه», بيتضمن داه مفاهيم زى «مشاعات العقل», و «المشاعات المعرفيه» و «مشاعات المعلومات».[10]