La batalla de Pichincha asocedió'l 24 de mayu de 1822 nes faldes del volcán Pichincha, a más de 3000 metros sobre'l nivel del mar, cerca de la ciudá de Quitu
L'alcuentru, qu'asocedió nel contestu de les guerres d'independencia hispanoamericanes, enfrentó al exércitu independentista sol mandu del xeneral venezolanu Antonio José de Sucre y al exércitu realista comandado pol xeneral Melchor Aymerich. La derrota de les fuercies españoles condució a la lliberación de Quitu y aseguró la independencia de les provincies que pertenecíen a la Real Audiencia de Quitu, tamién conocida como la Presidencia de Quitu, la xurisdicción alministrativa colonial española de la que finalmente remaneció la República del Ecuador.