Carmen Maura
actriz española / From Wikipedia, the free encyclopedia
Carmen García Maura (15 de setiembre de 1945, Madrid) ye una actriz española. Ye una de les actrices más consagraes d'España, que desenvolvió la so carrera tantu nel so país natal como en Francia, con gran ésitu en dambos, lo que-y fixo merecedora de cuatro premios Goya, récor solu igualáu nel cine español pola actriz Verónica Forqué, y un premiu César del cine francés, según del premiu a la meyor actriz del prestixosu Festival de Cannes. Mientres años foi l'actriz más gallardoniada pola Academia del Cine Européu (1988, 1990), honor que anguaño comparte coles actrices Isabelle Huppert, Juliette Binoche y Charlotte Rampling.
Carmen Maura | |
---|---|
Vida | |
Nacimientu | Madrid, 15 de setiembre de 1945[1] (78 años) |
Nacionalidá | España |
Residencia |
Madrid París |
Llingua materna | castellanu |
Familia | |
Casada con | Francisco Forteza Pujol [2] |
Fíos/es | 2 |
Familia |
ver
|
Estudios | |
Estudios | Escuela Nacional Superior de Belles Artes |
Llingües falaes |
castellanu francés inglés |
Oficiu | actriz, presentadora de televisión, actriz de cine |
Trabayos destacaos |
Mujeres al borde de un ataque de nervios ¡Ay, Carmela! La comunidad Volver Les Femmes du 6e étage |
Premios |
ver
|
Nominaciones | |
Miembru de | Academia de les Artes Escéniques d'España |
IMDb | nm0560962 |
Dalgunes de les películes más importantes nes qu'intervieno son ¿Qué he hecho yo para merecer esto?, Mujeres al borde de un ataque de nervios, ¡Ay, Carmela!, Sé infiel y no mires con quién, La comunidad, 800 balas, Volver, Les Femmes du 6e étage o Las brujas de Zugarramurdi.
Tamién ye conocida por ser la primer actriz venceyada profesionalmente col famosu direutor de cine español Pedro Almodóvar, siendo la primera en recibir el nomatu de "moza almodóvar". Arriendes de los sos memorables trabayos y estensa carrera, ye considerada pelos medios y la crítica como una de les grandes actrices d'Europa.
Carmen Maura forma parte de la dinastía Maura. Ye bisnieta de Bartolomé Maura y Montaner, conocíu grabador de la so dómina y hermanu del políticu Antonio Maura y Montaner.