Copa Conmebol
From Wikipedia, the free encyclopedia
La Copa Conmebol foi un tornéu internacional oficial de fútbol suramericanu surdíu en 1992 y entamáu pola Confederación Suramericana de Fútbol (Conmebol). Magar acoyía a menos equipos, esta copa asonsañaba'l formatu de la Copa UEFA d'aquel entós, yá que se xugaba con 16 equipos que s'esaniciaben direutamente en partíos d'ida y vuelta.[1][2][3][4] Los equipos clasificaos yeren xeneralmente dos per cada país miembru, usualmente los que terminaben detrás de los clasificaos a la Copa Libertadores nel tornéu local. Magar formalmente un mesmu club podía apostar los dos torneos nun mesmu añu, esto nun foi habitual.[5] Ganar la copa daba'l derechu de participar na Copa de Oro Nicolás Leoz y na Copa Máster de Conmebol.
Copa Conmebol | |
---|---|
Xeneral | |
Tipu de competición | actividá deportiva periódica |
Deporte | fútbol |
Organizador | Confederación Suramericana de Fútbol |
Historia | |
Fundación | 1992 |
Desapaición | 1999 |
Competición | |
La Copa Conmebol foi esaniciada en 1999, y a partir del añu siguiente, los equipos que clasificaríen a ella fueron sumaos a la Copa Libertadores nel primer semestre del añu, y a la Copa Mercosur o a la Copa Merconorte (dependiendo de la zona xeográfica de cada país) nel segundu.
La Copa Conmebol guarda delles semeyances cola actual Copa Suramericana,[6][7] yá que asonsaña'l so formatu de competición y tien un sistema de clasificación similar, pero cola diferencia de que los equipos campeones y subcampeones nun participaben de la Copa Conmebol y sí lo fixeron (en dellos países) hasta la Copa Suramericana 2011.
Por estes semeyances, la Copa Conmebol ye considerada como una de los cuatro precursores de l'actual Copa Suramericana, xunto a la Supercopa, la Copa Merconorte y la Copa Mercosur.[8][9][10][11][12][13][14][15]
El club con más títulos ye'l Atlético Mineiro con dos títulos.[16]