Francés canadianu
From Wikipedia, the free encyclopedia
Francés canadianu o francés canadiense (francés: Français canadien) ye un términu xeneral qu'arrexunta los distintos dialeutos de la llingua francesa que se falen en Canadá. El francés ye l'idioma maternu de cuasi siete millones de canadienses, cifra que constitúi aproximao'l 22% de la población nacional.[1] A nivel federal tien la condición de co-oficial xunto col inglés. Provincialmente ye oficial cuando ello xustifíquese por númberos, salvu nel casu de Nueva Brunswick que ye oficialmente billingüe (col inglés), y en Quebec onde ye l'únicu idioma oficial. El francés ye tamién co-oficial nos trés territorios (Nunavut, Territorios del Noroeste y Yukón). Asímismo entiende les pequeñes comunidaes francoparlantes de Nueva Inglaterra, nel nordeste de los Estaos Xuníos, onde gran númberu de canadienses naturales del Quebec se estalecieron mientres el sieglu XIX.