Greta Thunberg
activista pol mediu ambiente / From Wikipedia, the free encyclopedia
Greta Thunberg (3 de xineru de 2003, Estocolmu) ye una activista medioambiental sueca, centrada nos riesgos plantegaos pol cambéu climáticu.
Greta Thunberg | |
---|---|
Vida | |
Nacimientu | Estocolmu[1], 3 de xineru de 2003[2] (21 años) |
Nacionalidá | Suecia |
Residencia |
Estocolmu Bergshamra (en) |
Llingua materna | suecu |
Familia | |
Padre | Svante Thunberg |
Madre | Malena Ernman |
Hermanos/es | Beata Ernman |
Familia |
ver
|
Estudios | |
Llingües falaes |
suecu[4] inglés |
Oficiu | ambientalista, activista pol clima, alumna, autora, activista, ecóloga |
Participante
| |
Trabayos destacaos |
Vi vet och vi kan göra något nu (en) Scenes from the Heart (en) No One Is Too Small to Make a Difference |
Premios |
ver
|
Influyencies | Ingmar Retzhog y We Don't Have Time (en) |
Movimientu | Mocedá pol clima |
IMDb | nm10361418 |
N'agostu de 2018, cuando tenía quince años, Thunberg tomóse un tiempu fuera de la escuela pa manifestase frente al parllamentu suecu, sosteniendo un cartelu que pidía una aición climática más fuerte. Llueu, otros estudiantes participaron en protestes similares nes sos propies comunidaes. Xuntos entamaron un movimientu de fuelga climática escolar col nome de Vienres pol futuru (del inglés, Fridays for Future). Dempués de que Thunberg se dirixera a la Conferencia de les Naciones Xuníes sobro'l Cambéu Climáticu de 2018, realizáronse fuelgues estudiantiles cada selmana en dalgún llugar del mundu. En 2019, hubo siquier dos protestes coordinaes en delles ciudaes qu'arreyaron a más d'un millón d'alumnos caúna.[20][21]
Thunberg ye conocida pola so manera contundente[22] de falar del fechu,[23] tanto en públicu como a los líderes y asamblees polítiques, na qu'encamienta a l'aición inmediata pa encetar lo qu'ella describe como la crisis climática».
En mayu de 2019, Thunberg apaeció na portada de la revista Time, que la nomó «líder de la próxima xeneración» y señaló que munchos la ven como un modelu a siguir.[24] Thunberg y el movimientu de fuelga escolar tamién apaecieron nun documental de Vice de trenta minutos tituláu Make the World Greta Again (Facer del mundu grande otra vegada). Dellos medios describieron el so impautu nel escenariu mundial como l'efectu Greta Thunberg».[25]