Henry Rollins
From Wikipedia, the free encyclopedia
Henry Lawrence Garfield, más conocíu como Henry Rollins (13 de febreru de 1961, Washington DC) ye un vocalista, músicu, actor, DJ, humorista y activista políticu d'Estaos Xuníos.
Henry Rollins | |
---|---|
Vida | |
Nacimientu | Washington DC, 13 de febreru de 1961[1] (63 años) |
Nacionalidá | Estaos Xuníos |
Llingua materna | inglés |
Estudios | |
Estudios |
Bullis School (en) Universidá Americana |
Llingües falaes | inglés |
Oficiu | músicu, escritor, actor, blogueru, compositor de cantares, activista polos derechos humanos, cantante, actor de televisión, poeta, periodista, actor de cine, activista pola paz, actor de voz, guionista, llocutor radiofónicu, artista d'estudiu, artista de palabra hablada (es) , lletrista |
Miembru de | State of Alert |
Xéneru artísticu |
hardcore punk heavy metal |
Instrumentu musical | voz |
Discográfica |
SST Records 2.13.61 |
Creencies | |
Relixón | Agnosticismu[2] |
IMDb | nm0738433 |
henryrollins.com | |
En fundando en Washington D.C. la banda State of Alert (S.O.A) en 1980, va treslladóse a California pa ser el vocalista, ente 1981 y 1986, de la mítica banda d'hardcore Black Flag. Tres la separación del grupu va crear el sellu discográficu 2.13.61 Inc. col que va llanzar dellos discos de monólogos y discursos y los trabayos de la Rollins Band, grupu col que va xirar ensin posa ente 2003 y 2006. Nesti tiempu va collaborar en temes de bandes como Misfits, Bad Brains, Tool, Tony Iommi, Iggy Pop o William Shatner.
Fora de la música Rollins participó en delles películes, documentales y series como na aclamada Sons of Anarchy na qu'interpreta al neo-nazi AJ Weston.[3] Tamién participó en campañes a favor de la lliberación de los West Memphis Three y de Mumia Abu-Jamal, escribió dellos llibros, dobló voces na versión audiollibru de la novela World War Z y de dellos videoxuegos y collaboró col blogue "Politics & Power".[4] Tamién se dedicó a lluchar polos derechos humanos nos Estaos Xuníos, particularmente polos derechos gais.
Mientres 2003 tuvo dando conciertos pa les tropes estauxunidenses movíes en misiones de combate n'Iraq, pero calteniendo'l so mensaxe antibelicista (llegando a dicir n'unu de los conciertos: "Nun dexéis que'l vuesu comandante miéntavos, pa eso ta'l vuesu presidente").[5]