Idioma otomí
From Wikipedia, the free encyclopedia
L'idioma otomí ye una llingua indíxena de Méxicu, falada por un grupu llargamente conocíu como otomí (los indíxenes otomíes del Valle del Mezquital tamién la denominen hñähñú na so propia llingua). El otomí ye una llingua mesoamericana y amuesa dellos de les traces carauterístiques del área llingüística mesoamericana. Según la Llei de Derechos Llingüísticos de Méxicu, el otomí ye reconocíu como una llingua nacional, xunto a otros sesenta y dos indíxenes y el idioma español. De derechu, tien la mesma validez teórica nel país.[1] Pol so númberu de falantes, el otomí ye la séptima llingua indíxena más falada en Méxicu, dempués del náhuatl, el maya yucateco, el zapoteco, el mixteco, el tzotzil y el tzeltal; sicasí, esti datu ye solamente indicativu, pos en realidad “idioma otomí” tien de tomase como “familia de llingües otomíes”, yá que esisten munches variantes.
Otomí 'Hpyurta, Ñätho, Ñäñho, Ñ'yühü, Hñotho, Hñähü, Hñätho, Yųhų, Yųhmų, Ñųhų, Ñǫthǫ, Ñañhų' | |
---|---|
Faláu en | Méxicu |
Rexón | Estáu de Méxicu, Hidalgo, Querétaro, Guanajuato, Puebla, Ciudá de Méxicu, Tlaxcala, Veracruz, Michoacán, y San Luis Potosí. |
Falantes | 307.928 (INEGI, 2015) |
Puestu | Non nos 100 mayores (Ethnologue 1996) |
Familia | Llingües otomangue Otomangueanas occidentales |
Estatus oficial | |
Oficial en | En Méxicu tien reconocencia como llingua nacional |
Reguláu por | SEP |
Códigos | |
ISO 639-1 | nengún |
ISO 639-2 |
|
ISO 639-3 | |
Estensión del otomí |