El conflictu islamista en Nixeria empezó en 2002 cola formación del grupu terrorista fundamentalista islámicu Boko Haram.[15] Dende 2009, el conflictu entró nuna espiral de violencia, provocando más de 3600 muertos en menos de trés años.[16][17][18]
Acordies con un estudiu sobre demografía y relixón en Nixeria, los musulmanes suman el 50,5 % de la población del país. Los musulmanes viven predominantemente nel norte de Nixeria, onde la mayoría d'ellos ye suní. Los cristianos son el segundu grupu relixosu, col 48,2 % de la población. Viven principalmente nel centru y sur del país, ente que los siguidores d'otres relixones constitúin el 1,4 %.[19]
| Esta páxina o seición ta desactualizada. La información que tien ye vieya o insuficiente. |
Datos rápidos Fecha, Llugar ...
Zarrar
Puesto que los musulmanes formen práuticamente la mayoría de la población, munchos d'ellos esixen la introducción de la xaria o llei islámica como principal fonte de la llexislación nacional. Doce estaos del norte aprobaron la sharia como la base de los sos brazos executivo y xudicial en 1999 y 2000.
Mientres el conflictu, la insurxencia islamista fíxose col control de delles zones del país. El 3 de xineru de 2015, los terroristes asaltaron una base del exércitu na ciudá de Baga y, tres la fuxida de los soldaos que lu curiaben, prindar a otru día;[1] y en marzu del mesmu añu, villes como Damasak siguíen nel so poder.[20][21]