Partíu de los Socialistes de Cataluña
From Wikipedia, the free encyclopedia
El Partíu de los Socialistes de Cataluña (en catalán: Partit dels Socialistes de Catalunya, embrivíu PSC) ye un partíu políticu español d'ámbitu catalán d'ideoloxía socialdemócrata, catalanista[4] y con doble identidá nacional[6] que defende públicamente'l federalismu[7] y la constitución de la nación catalana».[3] Foi creáu'l 16 de xunetu de 1978 por aciu la fusión de los trés partíos socialistes esistentes mientres la Transición Española en Cataluña. Ta acomuñáu al Partíu Socialista Obreru Español (PSOE), del que ye'l referente en Cataluña y con quien comparte grupu parllamentariu nel Congresu de los Diputaos, nel Senáu y el Parllamentu Européu. A nivel rexonal y municipal esta acomuñáu con Candidatura de Progrés, Unitat d'Aren y, hasta 2010 y 2011, con Ciutadans pel Canvi y Progrés Municipal respeutivamente.[8][9]
Partíu de los Socialistes de Cataluña | |
---|---|
Partit dels Socialistes de Catalunya | |
Acrónimu | PSC |
Presidente | Àngel Ros[1] |
Secretaría xeneral | Salvador Illa Roca |
Fundación | 16 de xunetu de 1978 |
Sede | Casal Socialista Joan Reventós (es) |
Estáu | España |
Afiliaos | 17 012 (2016) |
Ideoloxía política |
Socialdemocracia Sociolliberalismu Catalanismu[2] Nacionalismu catalano[3] Republicanismu[4] Federalismu[5] |
Posición nel espectru | Centroizquierda |
Organización de mocedá | Joventut Socialista de Catalunya |
Afiliación internacional | El PSOE ye miembru de la Internacional Socialista y del Partíu Socialista Européu |
Páxina web | www.socialistes.cat |
Almítese davezu qu'inclúi dos tendencies[10][11][12][13] nel so senu, una catalanista[4] y otra más autonomista,[10] actual predominante.