Santuariu de la Virxe de Bendueños
ilesia, Bien d'Interés Cultural / From Wikipedia, the free encyclopedia
El Santuariu de la Virxe de Bendueños, tamién llamáu de La nuesa Señora de Bendueños, ye un llugar de cultu de la Ilesia católica asitiáu na llocalidá de Bendueños, nel conceyu de Ḷḷena, na zona central d'Asturies. Atópase camín del sur, escontra'l puertu de Payares pola N-630, a unos 5 km de La Pola, polo que foi una de les paraes más socorríes de los pelegrinos que faíen el Camín de Santiago dende Llión pasando per Uviéu.
Santuariu de la Virxe de Bendueños | |
---|---|
santuariu | |
Llocalización | |
País | España |
Autonomía | Principáu d'Asturies |
Provincia | provincia d'Asturies |
Conceyu | Ḷḷena |
Coordenaes | 43°05′28″N 5°49′07″W |
Historia y usu | |
Apertura | sieglu XVI |
Diócesis | Archidiócesis d'Uviéu |
Patrimoniu | |
Trátase d'un santuariu d'estilu góticu, fundáu l'añu 905, cuando'l 20 de xineru d'esi añu'l rei Alfonso III y la reina doña Jimena donaron una serie de monesterios a la ilesia d'Uviéu, ente ellos el de Bendueños.[1] Sobre los cimientos del primitivu templu prerrománicu construyóse una estructura que tien parte del medievu tardíu, y nel sieglu XVI construyó l'actual santuariu sobre los restos anteriores. Sobre esti, de la mesma, añadiéronse distintos compartimientos como la sacristía, altares colaterales, campanariu, etc. Dixebrada del santuariu por pocos metro escontra'l norte, frente al pórticu principal, ta la Casa de novenes», qu'habitaba un ermitañu cuidador del santuariu y daba ayuda a los pelegrinos. Amplióse de forma importante nel añu 1741.
El santuariu tuvo una de les primeres «cofraderíes sacerdotales», y nél axuntaben los párrocos de llugares cercanos —y dellos llonxanos—, p'ameyorar la so vida humana, intelectual y moral, según recibir el sacramentu de la confesión, pa lo que se construyó un altillo na zona este que faía les funciones de sala de xuntes y foi llamada la Casa de la cofradería». El santuariu tuvo bien amestáu al monacato benedictín, pos había cinco d'ellos pela redolada del santuariu, que los sos monxos y abás frecuentar.[2]