Three Billboards Outside Ebbing, Missouri
película de 2017 dirixida por Martin McDonagh / From Wikipedia, the free encyclopedia
Three Billboards Outside Ebbing, Missouri ye una película británicu-estauxunidense de 2017 escrita, producida y empobinada por Martin McDonagh. Ye una película de drama, misteriu y comedia negra, que xira en redol a la historia de Mildred Hayes, una madre qu'arrienda trés valles d'anuncios pa llamar l'atención sobre'l crime ensin resolver del que la so fía foi víctima.[9] Ta protagonizada por Frances McDormand, Woody Harrelson, Sam Rockwell, John Hawkes y Peter Dinklage.
El filme foi proyeutáu mientres la competición principal del Festival Internacional de Cine de Venecia, onde s'estrenó'l 4 de setiembre de 2017.[10] Tamién participó del Festival de Toronto y del Festival de San Sebastián, y recibió el premiu del públicu en dambos.[11] Amás proyeutóse mientres el Festival Internacional de Cine de Mar del Plata.[12]
Three Billboards Outside Ebbing, Missouri estrenóse'l 10 de payares de 2017 n'Estaos Xuníos y el 12 de xineru de 2018 en Reinu Xuníu, al traviés de Fox Searchlight Pictures.[13] La película recibió aponderamientos pol guión y la direición de McDonagh, según poles actuaciones del repartu, particularmente de McDormand, Harrelson y Rockwell.[ensin referencies] Foi incluyida ente les meyores diez películes del añu pol American Film Institute.[14] Mientres los Premiu Globu d'Oru de 2017, ganó nes categoríes de meyor película dramática, meyor actriz - Drama (McDormand), meyor actor de repartu (Rockwell) y meyor guión, según tamién recibió nominaciones pa meyor direutor y meyor banda sonora.[11][15] Pa los Premios BAFTA 2017, recibió nueve nominaciones, incluyendo les categoríes de meyor película, meyor direutor, meyor actriz (McDormand) y meyor actor de repartu (Harrelson y Rockwell).[16]
Recibió 7 nominaciones pa los Premiu Óscar 2018: meyor película, meyor actriz para McDormand, doble nominación a meyor actor de repartu pa Harrelson y Rockwell, meyor guión orixinal, meyor banda sonora y meyor montaxe.