Xéneru musical
categoría qu'agrupen composiciones musicales que comparten distintos criterios d'afinidá / From Wikipedia, the free encyclopedia
Un xéneru musical ye una categoría qu'axunta composiciones musicales que comparten distintos criterios d'afinidá, tales como la so función (música de danza, música relixosa, música de cine...), la so instrumentación (música vocal, música instrumental, música lletrónica...), el contestu social en que ye producida o'l conteníu del so testu.[1]
Ente que les tradicionales clasificaciones académiques en xéneros musicales atendieron fundamentalmente a la función de la composición musical (para qué ye compuesta la pieza, como nos exemplos anteriores), les clasificaciones por xéneros de la música moderna, usaes pola industria discográfica, atendieron más a criterios específicamente musicales (ritmu, instrumentación, harmonía...) y a carauterístiques culturales, como'l contestu xeográficu, históricu o social; asimilóse asina'l conceutu de xéneru musical al d'estilu musical, y ye habitual que güei se califique de "xéneros" al flamencu, el rock o'l country (exemplu: el rock ye un xéneru musical de ritmu bien marcáu).