Паранс революция
From Wikipedia, the free encyclopedia
Паранс революция ялъуни КӀудияб паранс революция (пар. Révolution française [ʁevɔlysjɔ̃ fʁɑ̃sɛːz]) букӀана Франсиялда радикалиял сиясиял ва жамгӀиял трансформациязул период, жибги байбихьараб 1789 соналъул Генералиял штатаздаса ва лӀугьӀараб 1799 соналъул новембералда Паранс консулат гӀуцӀигун. Гьелъул гӀемерисел идеяби рикӀкӀуна либералияб демократиялъул фундаменталиял принципаллъун,[1] liberté, égalité, fraternité (эркнелъи, ращалъи, вацлъи) гӀадал лозунгал раккана цогидал революцияздаги, 1917 соналъул гӀурус революция гӀадал,[2] ва гьез гъира базабулеб букӀана лагълъи хвезабиялъе ва рищиязе ихтияразе гӀоло гьарулел рукӀарал кампаниязе.[3] Гьеб революциялдалъун рижарал къиматал ва институлал жакъа къоязги руго бетӀерлъулел паранс сиясаталда.[4]
Революциялъул гӀиллабилъун, гӀаммаб пикруялда рекъон, ккола жамгӀиял, сиясиял ва экономикиял факторал, жал рорхизе кӀолеб хӀалалда букӀараб режим батичӀел.1789 соналъул маялда гӀатӀид тӀиритӀарал жамгӀиял балагьаз рачана Генералиял эстатал ахӀиялде, жал юналда Миллияб ассамблеялде хисизаруарал. Давамлъулел рукӀарал гӀадлу хвеял ахирлъана 14 юналда Бастилиялде гьужумалдалъун, гьелъ бачана Ассамблеялъ радикалиял тадбирал гьабиялде, гьезда гъорлӀ феодализм хвезаби, Франсиялда католикияб килисаялда тӀад пачалихъияб контрол билӀинаби ва рищиязул ихтиярал гӀатӀид гьари.
Хадусеб лъабго сон букӀана гъорлӀ босун сиясияб контролалъе гӀоло унеб къеркьеялъулӀ, жиндир ватӀанчилъиял гъалмагъираз ва экономикияб депрессиялъ хӀалбиххизабураб. Австрия, КӀудияб Британия ва Пруссия гӀадал къватӀисел пачалихъаз гьабулеб букӀараб дандехӀалтӀиялъ бачана 1792 соналъул априлалда паранс революциониял рагъал байбихьиялде. XVI Людовикидаса ракӀбуссиндал, 1792 соналъул 22 септембералда гӀуцӀана ТӀоцебессеб Паранс республика ва гьелдаса хадув, 1793 соналъул январалда, Людовик чӀвазе къотӀана. Юналда Парижаджа ккараб дандерахъиналъ Миллияб ассамблеялда бетӀерлъи ккун рукӀарал жирондинал хисана Максимилиан Робеспьерил нухмалъиялда гъоркь бугеб ЖамгӀияб хӀинкъибукӀунгутӀияб комитеталдалъун.
Гьеб сабаблъана контер-ревоолюционерал тӀагӀинариялъе хӀалбихьи гӀадин терроралъул къиралат лъеялъе; 1794 соналъул юлалда гьеб лӀугӀараб заманалде Парижалда ва провинциязда чӀвазе къотӀана 16 600-ялдаса цӀикӀкӀун чи. Жиндирго къватӀисел тушбабигун гуребги, Республика дандчӀвана роялистазул гӀадинго якобиназулги жанисеб оппозициягун, ва гьеб хӀинкъи нахъчӀвазейин хӀакимлъуде бачӀана Паранс директория 1795 новембералда. Рагъулал бергьенлъаби рукӀаниги, жидер гӀемерисел Наполеон Бонапартица ккурал, сиясиял дандеккунгутӀабазул ва экономикияб стангнациялъул хӀасилалда 1799 соналъул новембералда Директория хисана Консулаталъ. ГӀемерисеб гьебги рикӀкӀуна революционияб периодалъул ахирлъун.