Frida Kahlo
mexikanische Molarin / From Wikipedia, the free encyclopedia
De Frida Kahlo de Rivera (* 6. Juli 1907 z Coyoacán, Mexiko Stod, ois Magdalena Carmen Frieda Kahlo y Calderón; † 13. Juli 1954 aa do) wor a mexikanische Molarin. Se hod voa oim Sejbstportrets[1] gmoid und is dafia wejdweit berihmd worn. Ia Stui wead oft ois naiva, voikstimlicha Surrealismus klassifiziad.
Ois Grund dafia, warum se voa oim Sejbstportrets gmoid hod, hods sejm gsogt, dass zweng iare Krankheidn sozial isoliad gwen warad und si desweng sejm am bestn kenna dadad. Iare Krankheidn worn voa oim de Foige vo an Unfoi, den wo se in iara Jugend ghobt hod.
Ia Gebuatsdatum hod se sejm mid 7. Juli 1910 ogem, wei des da Ofang vo da mexikanischn Revolution wor und de Gebuat vom modeana Mexiko. In Mexiko is ia Weak aa ois Meinstoa fia mexikanische Kuitua und mesoamerikanische, indianische Kunst gfeiad worn und vo Feministinna ois Meinstoa fia Fraunkunst.[2]