Gerang Iran-Iraq
From Wikipedia, the free encyclopedia
An Gerang Iran-Irak iyo an armadong dingkilan sa pag'ultan kan Iran asin Iraq na nag'ayaw nin walong taon sobra, poon 22 Septyembre 1980 kan an Irak sinakyada an Iran, sundo Agosto 1988 asin nagtapos man ngane na mayong malinaw kun siisay an nanggana. An gera nagputok dara kan halawig na historya nin iriwal dapit sa pagdolonan kan duwa, asin orog pang nagatongan kan pagkatakot kan Irak na an Rebolusyon Irani na nagbungkaras kan 1979 mapukaw nin insurhensya sa mga halawig nang inaaping mayoriyang Chiita sa laog kan Irak. Saro pang motibasyon iyo an hagap-hagap kan Irak na makasangle sa Iran bilang iyo an dominanteng estado sa Golpo Persya.[1]