Museum of Modern Art
From Wikipedia, the free encyclopedia
An Museum of Modern Art (MoMA) sarong museo nin arte namumugtak sa Midtown Manhattan, Siyudad nin Nweba York, sa 53rd Street sa pag'ultan kan Fifth asin Sixth Avenue.
An museong ini dakulaon an papel sa pagpadakula asin pagpagantad kan modernong arte, asin parati nasasambit na pinakadakula asin pinakamaimpluensyang museo sa arteng moderno sa bilog na kinaban.[1] An kadamotan kan MoMA nagpapahiling kan kaenterohan kan moderno asin kontemporaryong arte, kairiba an mga obra sa arkitektura asin desenyo, drawing, pintura, eskultura, potograpiya, prints, illustrated na mga libro nin mga artista, mga pelikula, asin medyang elektroniko.[2]
An MoMA Library may saray na mga 300,000 na libro asin mga exhibition catalogs, sobra sa 1,000 mga peryodikong titulo, asin sobra sa 40,000 file na ephemera manongod sa mga indibidwal na mga artista asin mga grupo.[3] An artsibo kaini may ti'mos na materyal na mga primary source manongod sa historya kan moderno asin kontemporaryong arte.[4]
Kan 2020, mga 706,060 na bisita an nagdalaw igdi, anom na polo may limang porsyento an ibinaba sa bilang na bisita kan 2019, asin ini huli sa pandemyang COVID-19. Ini nagranggo na ika-25 sa lista nin birisitahon na mga museo sa arte sa kinaban kan taon 2020.[5]