Мядзельскі замак
From Wikipedia, the free encyclopedia
Мядзельскі замак — помнік гісторыі і архітэктуры ў Мядзеле. Знаходзіцца каля заходняй ускраіны места, на высьпе Замку пры ўтоку ў возера Мястру ракі Дробні, якая злучае яго з возерам Баторынам. Прыклад спалучэньня асаблівасьцяў заходнеэўрапейскай фартыфікацыі зь мясцовымі элемэнтамі абароны. Існаваў у XV—XVIII стагодзьзях. Аб’ект Дзяржаўнага сьпісу гістарычна-культурных каштоўнасьцяў Беларусі.
Помнік абарончай архітэктуры | |
Мядзельскі замак | |
Мядзельскі замак, мастацкая рэканструкцыя | |
Краіна | Беларусь |
Места | Мядзел |
Каардынаты | 54°52′16.45″ пн. ш. 26°54′54.66″ у. д. |
Статус | Дзяржаўны сьпіс гісторыка-культурных каштоўнасьцяў Рэспублікі Беларусь |
Мядзельскі замак | |
Мядзельскі замак на Вікісховішчы |
Складаўся з мураваных вежы і палаца, а таксама вонкавага абарончага комплексу (захаваліся руіны). Увасобіў імкненьне прыстасаваць замак дзеля абароны ад пальнай зброі, у выніку чаго атрымаў дзьве лініі абароны з бастэямі і бастыёнамі.