![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/f3/All_female_survey_crew_-_Minidoka_Project%252C_Idaho_1918.jpg/640px-All_female_survey_crew_-_Minidoka_Project%252C_Idaho_1918.jpg&w=640&q=50)
Тапаграфічная здымка
From Wikipedia, the free encyclopedia
Тапаграфі́чная зды́мка[1][2] — сукупнасць палявых і камеральных работ па вызначэнню характэрных пунктаў мясцовасці з мэтай атрымання яе графічнай або аналітычнай мадэлі — тапаграфічнай карты (плана мясцовасці) у зададзеным маштабе.
![Thumb image](http://upload.wikimedia.org/wikipedia/commons/thumb/f/f3/All_female_survey_crew_-_Minidoka_Project%2C_Idaho_1918.jpg/320px-All_female_survey_crew_-_Minidoka_Project%2C_Idaho_1918.jpg)
![Thumb image](http://upload.wikimedia.org/wikipedia/commons/thumb/a/a0/Leica-tc1100-geodetic.jpg/640px-Leica-tc1100-geodetic.jpg)
Падзяляецца на аэрафотатапаграфічную, фотатэадэлітную, мензульную і тахеаметрычную[1]. Асновай тапаграфічнай здымкі з’яўляецца геадэзічная сетка[2].
Палявыя работы пры тапаграфічнай здымцы складаюцца з выпрацоўкі планава-вышыннага абгрунтавання на аснове геадэзічных сетак (пракладка тэадалітных і нівелірных хадоў, трыангуляцыя, геадэзічныя засечкі), здымкі характэрных аб’ектаў на мясцовасці, рэльефу, сітуацый. Вызначаюцца назвы населеных пунктаў і іншых геаграфічных аб’ектаў (рэк, азёр, балот, урочышчаў і інш.). Пасля правядзення здымачных работ і іх праверкі ў палявых умовах праводзяць камеральную апрацоўку атрыманых матэрыялаў і вычэрчваюць тапаграфічны планшэт, які з’яўляецца асновай тапаграфічнай карты.
Асабліва шырока ўжываецца стэрэаскапічная наземная, аэрафотаздымка і касмічная здымка. Калі тапаграфічную здымку неабходна выканаць у буйным маштабе, ужываюць аэрафотаздымку ў спалучэнні з мензульнай, калі атрыманыя на фотаплане контурныя элементы мясцовасці дапаўняюцца выявай рэльефу, атрыманай спосабам мензульнай здымкі.
У цяперашні час пры тапаграфічнай здымцы ў дапамогу да традыцыйных метадаў ужываюць магчымасці навігацыйных сістэм GPS і ГЛОНАСС.