Illa Fernandina
From Wikipedia, the free encyclopedia
A illa Fernandina é a terceira illa máis grande e a máis nova das illas Galápagos.[1] Do mesmo xeito que as outras, a illa formouse no punto quente de Galápagos. A illa é un volcán en escudo activo que entrou en erupción o 11 de abril de 2009.[2]
Fernandina | |
---|---|
Localización da illa | |
Situación | |
País | Ecuador |
Arquipélago | Illas Galápagos |
Mar | Océano Pacífico |
Coordenadas | 0°22′S 91°33′O |
Xeografía | |
Xeoloxía | Illa volcánica |
Superficie | 642 km² |
Longura máxima | 34´9 km. |
Largura máxima | 27´8 km. |
Punto máis alto | 1.494 m. La Cumbre |
Demografía | |
Poboación | Deshabitada |
Cando ancorou en Banks Bay, o Capitán Benjamin Mitre rexistrou unha das maiores erupcións na historia de Galápagos do volcán Fernandina. A súa nave escapou por seguridade e o seu relato do evento conservouse.
Fernandina ten unha superficie de 642 km² e unha altura de 1.476 metros, o cume é unha caldeira de 6´5 km de largo. A caldeira sufriu un colapso en 1968, cando caeron 350 metros cúbicos do piso da caldeira. Un pequeno lago ocupou intermitentemente o chan da caldeira norte, a última vez en 1988.
Debido á súa recente actividade volcánica, a illa non presenta moita vida vexetal e ten unha superficie maiormente rochosa. Os visitantes da illa Fernandina só poden acercarse ás proximidades do cráter por razóns de seguridade. Punta Espinoza é unha estreita franxa de terra onde centos de iguanas mariñas se reúnen en grandes grupos sobre rochas de lava negra. O famoso cormorán non voador habita nesta illa ademais de pingüíns, pelicanos e lobos mariños. Pódense observar dous tipos de fluxo de lava, 'a'ā e pāhoehoe. Tamén abundan os bosques de mangleiral na illa.