Moedas do sesquicentenario da independencia dos Estados Unidos
moedas conmemorativas estadounidenses de 1926 / From Wikipedia, the free encyclopedia
As moedas do sesquicentenario da independencia dos Estados Unidos son unha serie numismática emitida en 1926 consistente nunha peza de medio dólar de prata e outra de 2½ dólares de ouro, para conmemorar o 150 aniversario da Declaración de Independencia dos Estados Unidos de América en 1776.
Medio dólar do sesquicentenario dos EEUU [1][2] | |
---|---|
A/: Bustos de G. Washington e de C. C. Coolidge.
Lendas: ✿ LIBERTY ✿ IN GOD WE TRUST / UNITED ·STATES · OF · AMERICA. |
R/: Campá da Liberdade.
Lendas: SESQUICENTENNIAL · OF · AMERICAN · INDEPENDENCE / E · PLURIBUS · UNUM / 1776 / 1926 / · HALF · DOLLARั· |
|
Ambas as moedas foron emitidas pola US Mint e cuñadas na Ceca de Filadelfia.
En virtude dunha lei de marzo de 1925 do Congreso dos Estados Unidos, pola que se constituíu a Comisión Nacional de Exposicións do Sesquicentenario, permitíuselle tamén a esta entidade a adquisición dun millón de moedas de medio dólar de prata e de 200.000 exemplares da moeda de ouro de 2½ especialmente deseñados para o acontecemento, que poderían despois venderse ao público cunha prima. A Comisión tivo problemas para acordar un deseño co gravador xefe da Casa da Moeda dos Estados Unidos, John R. Sinnock, polo que se lle pediu ao avogado, mecenas e numismático John Frederick Lewis (1860-1932) que presentase os seus esbozos.[3] Estes foron adaptados posteriormente por Sinnock, sen recoñecer a figura de Lewis, cuxa participación se descoñeceu durante catro décadas.
Ambas as moedas cuñáronse na cantidade máxima de exemplares autorizada, aínda que, ao non se vender na súa totalidade, unha parte importante da tiraxe foi devolta para a súa refundición na casa da moeda.
No anverso da moeda de medio dólar figuran os bustos do primeiro presidente, George Washington, e do presidente en exercicio na data de emisión, Calvin Coolidge, o que a converte na primeira moeda dos EEUU na que se representa un presidente en vida.
A campá do reverso deste medio dólar foi reutilizada por Sinnock —novamente sen recoñecer o mérito de Lewis— no deseño doutra moeda de medio dólar que emitiu por vez primeira en 1948.
2½ dólares do sesquicentenario dos EEUU [4][5] | |
---|---|
A/: A Liberdade en pé sobre o globo terráqueo, co pergamiño da Declaración de Independencia na man dereita e un facho prendido na esquerda.
Lendas: UNITED · STATES OF · AMERICA / 1926 / 1776 / LIBERTY. |
R/: Independence Hall.
Lendas: SESQUICENTENNIAL · OF AMERICAN · INDEPENDENCE / IN GOD / WE TRUST / E PLURIBUS UNUM / 2 ½ DOLLARSั. Marca de gravador (JRS). |
|