Ágnatos
From Wikipedia, the free encyclopedia
Os ágnatos (Agnatha, do grego ἀ- a- e γνάϑος gnáthos, mandíbula, literalmente: "sen mandíbulas") son un grupo parafilético [1] de vertebrados acuáticos que, xunto cos condrictios e os osteíctios, conforman o grupo parafilético coñecido popularmente como peixes. Na clasificación tradicional lineana considérase como unha superclase.
Ágnatos (Agnatha) Rango fósil: do Cámbrico ao presente | |||||||||||
---|---|---|---|---|---|---|---|---|---|---|---|
Lampetra fluviatilis L. (lamprea de rio) | |||||||||||
Clasificación científica | |||||||||||
|
Son os vertebrados máis primitivos, caracterizados por careceren de mandíbulas, pola respiración branquial depedente da farinxe e pola persistencia da notocorda ou corda dorsal nos adultos.
Tradicionalmente os ágnatos dividíanse nas clases dos ostracodermos (Ostracoderma), isto é «os de pel dura», todos fósiles, e a dos ciclóstomos (Cyclostomi), é dicir, «os de boca circular», con formas actualmente viventes, moi simplificadas, e numerosas fósiles.
Debido a isto, adóitase identificar ágnatos con ciclóstomos.
Actualmente os ágnatos comprenden pouco máis de 100 especies actuais [2] e gran número de formas fósiles.
As especies actuais habitan en augas temperadas de ambos os hemisferios e nas tropicais máis frías.