Հոլիվուդ

Հոլիվուդ (անգլ.՝ Hollywood, holly — սղոցի, wood — անտառ), ԱՄՆ-ի Լոս Անջելես քաղաքի շրջաններից մեկը։ Գտնվում է քաղաքի կենտրոնից հյուսիս-արևմուտք։ Սովորաբար Հոլիվուդն ասոցացվում է ամերիկյան կինոարտադրության հետ, որովհետև այստեղ են գտնվում շատ հայտնի կինոստուդիաներ և ապրում մի շարք հռչակավոր դերասաններ։

Բնակավայր
Հոլիվուդ
Երկիր	ԱՄՆ
Համայնք	Լոս Անջելես[1]
Մակերես	79,5 կմ²
ԲԾՄ	108 մետր
Բնակչություն	210 511 մարդ (2015)[2]
Ժամային գոտի	PDT?
Փոստային դասիչ	90027, 90028, 90029, 90038, 90046 և 90068
Հոլիվուդ (ԱՄՆ)
Հոլիվուդ Վիքիպահեստում

Հոլիվուդում է գտնվում հայտնի փառքի ծառուղին։

1870 թվականին Հոլիվուդը փոքրիկ համայնք էր և միայն 1903 թվականին միացավ քաղաքապետարանին^[3][4]։ Միայն 1910 թվականից հետո է այն հայտնի կինոարտադրության կենտրոն դարձել^[5][6]։

Պատմություն

Ըստ Հ. Ջ. Ուիթլիի, ով հայտնի է որպես «Հոլիվուդի հայր» 1886 թվականին կանգնել է ձորի վերևում գտնվող բլրի գագաթին։ Որոշ ժամանակ հետո նրան է մոտեցել մի չինացի մարդ` փայտ տեղափոխող վագոնով։ Նա դուրս է եկել վագոնից և խոնարհվել։ Այդ մարդուն նա հարցրել է, թե այստեղ ինչ է անում և նա պատասխանել է` « Ես փայտ տեղափոխող եմ» (I holly-wood) և Ուիթլին որոշել է նոր քաղաքն անվանել Հոլիվուդ^[7][8]։

Ուիթլին մոտավորապես 480 քառակուսի մետր տարածք է գնել և սկսել նոր ծրագրեր նոր քաղաքի համար:

1900 թվականին տարածքն ունեցել է փոստային բաժանմունք, հյուրանոց և երկու շուկա։

Հոլիվուդի հյուրանոցը բացվել է 1902 թվականին Հ. Ջ. Ուիթլիի կողմից։ Հյուրանոցը պետք է դառնար միջազգայնորեն ճանաչված։ Այն երկար տարիներ եղել է աստղերի քաղաքացիական և հասարակական կյանքի կենտրոն^[9]։

Ուիթլին հազարավոր դոլարներ է վճարել էլեկտրական լուսավորության, այդ թվում բանկի կառուցման համար^[10][11]։

Լրագիր «Գովազդ» Հոլիվուդի հողերի վաճառքի համար:

Տեղական ինքնակառավարում

Քաղաքական կյանք

Հոլիվուդյան թաղամասերի մեծ մասը, ներառյալ Hollywood Boulevard- ը և Սանսեթ ծառուղին, գտնվում են Լոս Անջելեսի 13-րդ թաղամասում։ Քաղաքային խորհրդի վերջին անդամներն են՝ Մայքլ Ուու (1985-1993), Եքի Գոլդբերգ (1994-2000թթ), Էրիկ Գարսետի (2000 թ. - մինչ այժմ)։

Քաղաքի վերածնունդ

Քաղաքի գործակալությունը, որն առաջ է մղում քաղաքի վերականգնումը Հոլիվուդի նորոգման ծրագրի միջոցով, Լոս Անջելեսի վերանորոգման ընկերությունն է, որը տեղակայված է Կապույտ տանը (6244 Sunset Boulevard, 2206, Hollywood, CA 90028):

Բնակչություն

2000 թվականի մարդահամարի տվյալներով ՝ Հոլիվուդում բնակվում էր 167,664 բնակիչ։ Քաղաքի բնակչության ռասայական կազմը հետևյալն է՝ 42,82% սպիտակամորթ, 4,48% սևամորթ, 0,68% հնդիկ, 8,98% ասիացի, 0,12% Խաղաղ օվկիանոսի կղզիների բնիկ ժողովուրդներ, 22,23% այլ ցեղերի ։ Բնակչության 39,43% -ը համարվում է իսպանացի (լատինացի)։

Հոլիվուդը աշխարհի հայկական սփյուռքի ամենահին կենտրոններից մեկն է։ Առաջին հայերն այստեղ են եկել 1880-ական թվականներին Օսմանյան կայսրությունից, ապա նրանց թիվն ավելացավ 1915 թվականի Հայոց ցեղասպանությունից հետո։ 1979-1980 թվականներին համայնքը մեծացավ հիմնականում Լիբանանից եկած 9500 հայերի շնորհիվ, 1987-ի հոկտեմբերից մինչև 1988-ի մարտ ԽՍՀՄ-ից 2000 հայ տեղափոխվեց Հոլիվուդ։ 1989 թվականին Հոլիվուդում բնակություն հաստատեցին ևս 3000 հայեր՝ Իրանից և 12000 հայեր՝ Լիբանանից։ 1991 թվականին ԽՍՀՄ փլուզմամբ հայ ներգաղթի նոր հոսք ներթափանցեց Հոլիվուդ, բայց բուն Հայաստանից^[12]։ Այսօր Հոլիվուդում ապրում է մինչև 50,000 ամերիկահայ, որը կազմում է Հոլիվուդի բնակչության 25% -ը և ապրում են հիմնականում Արևելյան և Հյուսիսային Հոլիվուդում, որտեղ նրանք կազմում են բնակչության մեծամասնությունը։ Արևելյան Հոլիվուդն ունի նաև Փոքր Հայաստան ՝ Լոս Անջելեսի հայկական սփյուռքի կենտրոններից մեկը^[13]։ 2000 թվականին մեկ շնչի հաշվով միջին տարեկան եկամուտը կազմել է 26 119 դոլար։

Լիթլ Արմենիա

Գիտություն և Հոլիվուդ

ԱՄՆ Գիտությունների ազգային ակադեմիան հանդես է եկել եզակի նախագիծ ստեղծելու մասին հայտարարությամբ։ Հավանաբար, համաշխարհային կինոյի պատմության մեջ առաջին անգամ ստեղծվում է գիտնականների հատուկ խումբ, որոնք շարունակական խորհուրդ կտան հոլիվուդյան կինոնկարների սցենարիստներին և ռեժիսորներին։ Նրանց հիմնական խնդիրը կլինի նոր ֆիլմերին գիտական արժանահավատություն հաղորդելը։

Հետաքրքիր փաստեր

• Երբեմն Հոլիվուդին անվանում են «Տիկնիկների հովիտ» ՝ Ժաքլին Սյուզանի համանուն գիրքը գրելուց հետո։

Ծանոթագրություններ

1. Gazetteer
2. http://planning.lacity.org/documents/demographics/oct2015.pdf
3. «Los Angeles Herald, Volume XXXI, Number 45». By the California Digital Newspaper Collection (November 15, 1903). Վերցված է 2014 թ․ փետրվարի 22-ին.
4. «Hollywood Was Once an Alcohol-Free Community». By Rachel Nuwer of smithsonianmag.com. Վերցված է 2014 թ․ փետրվարի 22-ին.
5. Annual Report of the Controller of the City of Los Angeles, California. ByOffice of Controller Los Angeles, CA (1914). Վերցված է 2014 թ․ փետրվարի 22-ին.
6. Report of the Auditor of the City of Los Angeles California of the Financial Affairs of the Corporation in Its Capacity as a City for the Fiscal Year. By Auditor's Office of Los Angeles, CA (1913). Վերցված է 2014 թ․ փետրվարի 22-ին.
7. «Margaret Virginia Whitley Diary (1886)».
8. Margaret Leslie Davis, (1993), p. 92.
9. Father of Hollywood Dies Hollywood Daily Citizen (1931)
10. Cahuenga Valley Sentinel (May 7, 1904).
11. Hollywood Citizen (Spring Addition March 4, 1914).
12. Der-Martirosian, Sabagh, and Bozorgmehr, p. 247.
13. Immigration and Entrepreneurship: Culture, Capital, and Ethnic Networks — Google Книги

Արտաքին հղումներ

• AboutHollywood.com Արխիվացված 2010-02-09 Wayback Machine – Top Hollywood Area Resource

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Հոլիվուդ կատեգորիայում։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 6, էջ 512)։