Մադրիդի Կոմպլուտենսե համալսարան
From Wikipedia, the free encyclopedia
Մադրիդի Կոմպլուտենսե համալսարան (իսպ.՝ Universidad Complutense de Madrid կամ Մադրիդի համալսարան, լատին․՝ Universitas Complutensis) հասարակական և հետազոտական համալսարան Մադրիդում, որը աշխարհի ամենահին համալսարաններից մեկն է։ Համալսարանում ուսանում է 86.000 ուսանող[9] և համարվում է Իսպանիայի ամենաբարձրակարգ համալսարաններից մեկը[10][11]։ Այն տեղակայված է Սյուդադ Յունիվերսիտարիա թաղամասում և հատվում է Պոզուելո դե Ալակրոն բնակավայրի հետ։
Հապավում | ՄԿՀ |
---|---|
Տեսակ | հասարակական համալսարան |
Կարգախոս | լատին․՝ Libertas Perfundet Omnia Luce Ազատությունը կհեղեղի ամեն ինչ լույսով |
Հիմնադրված է | 1293 |
Տիպ | Հասարակական |
Ռեկտոր | Կառլոս Անրադաս Հերանս |
Ընդհանուր անձնակազմ | 10 506 մարդ |
Անդամակցություն | Միջերկրածովյան համալսարանների ասոցիացիա, Ուտրեխտի ցանց, ORCID[1][2], World Digital Library?[3], Եվրոպայի համալսարանների միություն[4], Conference of Rectors of Spanish Universities?[5], Spanish Association of University Presses?[6] և Կոալիցիա հանուն հետազոտությունների գնահատման առաջխաղացման[7] |
Երկիր | Իսպանիա[8] |
Տեղագրություն | Մադրիդ, Իսպանիա |
Կայք | www.ucm.es |
Complutense University of Madrid Վիքիպահեստում |
Իր գոյատևման յոթ դարերի ընթացքում Մադրիդի համալսարանը անգնահատելի ներդրում է ունեցել գիտության, ժամանակակից արվեստի և քաղաքական առաջնորդության բնագավառներում։ Շրջանավարտներից են հայտնի փիլիսոփաներ (Խոսե Օրտեգա ի Գասսետ, Իգնատիոս դե Լոյոլա, Թոմաս դե Վիլանովա), գրողներ (Ֆեդերիկո Գարսիա Լորկա, Անտոնիո դե Նեբրիխա, Պեդրո Կալդերոն դե լա Բարկա), Գիտնականներ (Սանտյագո Ռամոն ի Կախալ, Սևերո Օչոա, Անդրես Մանուել դե Ռիո), պատմաբաններ (Խուան դե Մարիանա), Ռազմական գործիչնոր (Դոն Խուան Աուստրացի, Ալեքսանդր Ֆարնեսե, Կարդինալ Կիսներոս), օտարերկրյա առաջնորդներ (Կարդինալ Մազարին, Խոսե Ռիզալ) և Իսպանիայի շատ վարչապետներ։ 1785 թվականին համալսարանը առաջիններից էր աշխարհում, որը դոկտորի կոչում էր շնորհում իգական սեռի ուսանողներին[12]։ Ունենալով թագավորական հովանավորչություն 1857 թվականին, համալսարանը միակ կառույցն էր Իսպանիայում, որը իրավունք ուներ դոկտորի կոչում շնորհել Իսպանական կայսրության տարածքում։
Վերջին տարիներին համալսարանի շրջանավարտները ստացել են բազմաթիվ գիտական մրցանակներ, այդ թվում Նոբելյան մրցանակ (7), Աուստրիասի արքայազնի մրցանակ (18), Միգել դե Սերվանտես մրցանակ (7), բացի այդ զբաղեցրել են տարբեր բարձրաստիճան պաշտոնններ միջազգային և եվրոպական հեղինակավոր կառույցներում։ Համաձայն El Mundo ամսագրի համալսարանը համարվում է Իսպանիայի ամենահեղինակավոր ակադեմիական կառույցը[13]։