Թանահատ (գյուղ)
գյուղ ՀՀ Սյունիքի մարզում From Wikipedia, the free encyclopedia
Թանահատ, գյուղ Հայաստանի Սյունիքի մարզի Սիսիան համայնքում[1]։
Անվան այլ կիրառումների համար տե՛ս՝ Թանահատ (այլ կիրառումներ)
| Գյուղ | |||
|---|---|---|---|
| Թանահատ | |||
 | |||
| Երկիր |  Հայաստան | ||
| Մարզ | Սյունիքի մարզ | ||
| Համայնք | Սիսիան (համայնք) | Սիսիան համայնք[1] | ||
| Գյուղապետ | Արսեն Օհանյան | ||
| Մակերես | 11.56 կմ² | ||
| ԲԾՄ | 1920 մ | ||
| Պաշտոնական լեզու | Հայերեն | ||
| Բնակչություն | 7[2] մարդ (2011) | ||
| Ազգային կազմ | Հայեր | ||
| Կրոնական կազմ |  Հայ Առաքելական եկեղեցի | ||
| Տեղաբնականուն | Թանահատցի | ||
| Ժամային գոտի | UTC+4 | ||
| Հեռախոսային կոդ | +374 (286) | ||
| |||
Սիսիան քաղաքից մոտ 12 կմ հարավ-արևմուտք, Սիսիան գետի ձախ օժանդակ Կամրջակ գետակի ձախ ափին, ծովի մակերևույթից 1920-1960 մ բարձրության վրա։ Հեռավորությունը Կապան մարզկենտրոնից ճանապարհով կազմում է մոտ 118 կմ։
Գտնվում է Մեծ Հայքի Ծղուկ գավառում։ Բնակավայրը գոյություն է ունեցել հնագույն ժամանակներում, ինչի մասին վկայում է 1975 թ-ին Թանահատի ավերակներում հայտնաբերված ուրարտերեն սեպագիր արձանագրությունը։ Գյուղում գտնվում է նշանավոր Թանահատի վանքը, որի հիմնադրումը վերագրվում է 5-6-րդ դարերով։ Ղևոնդ Ալիշանի կարծիքով վանքի տեղում հեթանոսական շրջանում գոյություն է ունեցել Անահիտ աստվածուհու մեհյանը։ Վանքի շրջակայքում կան բնակավայրի, գերեզմանաքարերի, խաչքարերի մնացորդներ։
Համաձայն 2011 թվականին Հայաստանում անցկացված մարդահամարի արդյունքների՝ Թանահատի մշտական բնակչությունը կազմել է 7, առկա բնակչությունը՝ 2 մարդ[2]։ Ռուսական կայսրության և Խորհրդային Միության ժամանակաշրջաններում՝ մինչև Արցախյան շարժումն ու ազգամիջյան բախումները, գյուղը բնակեցված է եղել ադրբեջանցիներով[3][4], որոնց հեռանալուց հետո գյուղում բնակություն են հաստատել Խորհրդային Ադրբեջանից բռնագաղթված հայեր։ Ստորև ներկայացված է Թանահատ գյուղի բնակչության թվային տվյալներն ըստ տարիների[4].
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
