Մարդու իրավունքների եվրոպական դատարան
դատական մարմին Ստրասբուրգում, Ֆրանսիա / From Wikipedia, the free encyclopedia
Մարդու իրավունքների եվրոպական դատարան, Եվրոպական Դատարան, կամ ՄԻԵԴ (անգլ.՝ European Court of Human Rights կամ ECtHR, ֆրանսերեն՝ Cour européenne des droits de l’homme), Ստրասբուրգում հիմնված (1959) միջազգային դատարան, դատավորների թիվը համապատասխանում է Մարդու իրավունքների և հիմնարար ազատությունների պաշտպանության եվրոպական կոնվենցիան վավերացրած Եվրոպայի խորհրդի անդամ պետությունների թվին։ Դատարանը գործադրում է Մարդու իրավունքների եվրոպական կոնվենցիան[3]։ Դրա խնդիրն է երաշխավորել կոնվենցիայում ամրագրված իրավունքների և երաշխիքների նկատմամբ հարգանքը անդամ պետությունների կողմից, ինչը Դատարանն իրականացնում է անհատների, երբեմն նաև պետությունների ներկայացրած բողոքները (որոնք հայտնի են որպես «հայցադիմումներ») քննելու միջոցով։ Եթե այն գտնում է, որ անդամ պետությունը ոտնահարել է վերոնշյալ իրավունքներից և երաշխիքներից մեկը կամ ավելին, ապա որոշում է կայացնում։ Որոշումները պարտադիր իրավական ուժ ունեն։ Խնդրո առարկա պետությունները պարտավոր են ենթարկվել դրանց[4]։
Մարդու իրավունքների եվրոպական դատարան | |
---|---|
Տեսակ | Միջազգային դատական մարմիններ |
Երկիր | Ֆրանսիա[1] |
Հապավում | CEDH, ECHR, CEDH[2], TEDH և EGMR |
Հիմնադրված | ապրիլի 20, 1959 |
Գլխադասային գրասենյակ | Ստրասբուրգ |
Տարածաշրջան | Եվրոպայի Խորհուրդ |
Գլխավոր քարտուղար | Síofra O’Leary? |
Վերադաս կազմակերպություն | Եվրոպայի Խորհուրդ |
Հիմնադիր | Մարդու իրավունքների Եվրոպական կոնվենցիա |
Պարգևներ | |
Կայք | echr.coe.int(անգլ.) և echr.coe.int/fr/(ֆր.) |