Isla Capones
isla iti Filipinas / From Wikipedia, the free encyclopedia
Ti Isla Capones, ammo pay a kas Grand Capon wenno Isla Capon Grande (Espaniol: Isla de Capon Grande) ket ti maysa a bassit nga isla nga agarup a 1.9 kilometro (1.2 mi) iti kaatiddog iti 0.4 kilometro (0.25 mi) iti kaakaba, iti kalawaan a puntona, a mabirukan iti agarup a 3.8 kilometro (2.4 mi) iti aplaya ti probinsia ti Zambales iti akinlaud nga isla ti Luzon iti Filipinas. Daytoy ti kadakkelan kadagiti Is-isla Capones (Islotes de los Capones), ti grupo dagiti tallo a bassit nga isla a mangiraman pay ti asideg nga Isla Camara ken ti sabali pay a bassit nga isla a naikapet iti daytoy babaen ti maysa baras ti darat.[1] Ti isla ket administratibo a parte iti baranggay Pundaquit iti ili ti Zambales iti San Antonio.
Patubo a nagan: Isla de Capon Grande | |
---|---|
Heograpia | |
Lokasion | 3.8 kilometro (2.4 mi) iti aplaya ti nangruna a daga ti Zambales |
Nagsasabtan | 14°54′57″N 120°0′53″E |
Kadenna a bagbagi ti danum | Baybay Abagatan a Tsina |
Administrasion | |
Rehion | Tengnga a Luzon |
Probinsia | Zambales |
Ili | San Antonio |
Mailasin ti isla babaen dagiti pormasion ti dakkel a bato ken dagiti napadsok a rangkis a napalikmutan dagiti aplaya ti puraw a darat ken korales. Mabirukan ti Silaw-taaw ti Isla Capones iti turod nga asideg iti akinlaud a patingga ti isla.