Takurdit
From Wikipedia, the free encyclopedia
Takurdit d isem i semrasen i snat n tutlayin yettemcabin mliḥ, ttmeslayen-tent wazal n 13 n yimelyunen n yemdanen di tama-nni n Asya i wumi qqaṛen Kurdistan. Tamenzut d tutlayt takurmanjit (neɣ takurdit n ugafa), ma d tis snat d tutlayt tasuṛanit (neɣ takurdit n wenẓul), i ttmeslayen wazal n 2.800.000 n yemdanen di Lɛiraq akk d 3.000.000 n yemdanen di Iran.
Takurdit | |
---|---|
Zimanê Kurdî — زمانی کوردی — Kurdî — کوردی | |
At tutlayt tayemmat | tutlayt tayemmat: 21 000 000 (2007) |
| |
Agaraw n tira | Agemmay alatini, Agemmay aɛrab d Ssirilik |
Ingalen n tutlayt | |
ISO 639-1 |
ku |
ISO 639-2 |
kur |
ISO 639-3 |
kur |
Glottolog |
kurd1259 [1] |
Wikipedia |
ku |
Takurmanjit, tin ay ttmeslayen waṭas n yemdanen, ad tt-naf dɣa s waṭas di ¨Ttuṛk, anda ay llan 4 n yimelyunen n medden ay tt-yettmeslayen, deg ugafa n Lɛiṛaq, di Surya tt-ttmeslayen 500.000 n medden, di Arminya (100.000 n yemsiwlen) akk d di Iran (100.000). Llan diɣ wid yettmeslayen takurdit takurmanjit di Jurjya akk d Azerbijan, maca ur neẓri ara acḥal, am wakken ay llant diɣ trebbaɛ timecṭaḥ n Yikurdiyen ay izedɣen di tmura tiberr'aniyen (azal n 70.000 s ujemmal), ladɣa di Lubnan akk d Turuft, deg Yiwunak Yedduklen (USA) akk d Kanada.
Wid yettmeslayen takurdit tasuranit wwḍen ɣer 6 n yimelyunen s ujemmal, ma d wid yettmeslayen takurdit takurmanjit wwḍen ɣer wazal n 7 n yimelyunen, xas ma yella llan kra ay d-yeqqaren d akken wwḍen alammi d 20 n yimelyunen. Yuɣ lḥal, maci merr'a Ikurdiyen yellan ass-a d wid ay yessnen ad mmeslayen tutlayt-nsen imi tamsertit (assimilation) tessaweḍ aṭas seg-sen ad ǧǧen takurdit, yernu llan ula d imdanen yettmeslayen tutlayin nniḍen, am tguranit neɣ tadimlit (d tutlayin tihendurufiyin ay yettemcabin wagar-asent, maca mgerradent ɣef tkurdit), yernu ḥesben iman-nsen d Ikurdiyen, d aya ay yettaran tikwal leḥsabat weɛren.