ಜೈವಿಕ ಆಹಾರ
From Wikipedia, the free encyclopedia
ಜೈವಿಕ ಆಹಾರಗಳ ಉತ್ಪಾದನೆಯಲ್ಲಿ ಸಂಶ್ಲೇಷಿತ ವಸ್ತುಗಳ ಬಳಕೆ ಸೀಮಿತಗೊಳಿಸಲಾಗುತ್ತದೆ ಅಥವಾ ಅದರ ಬಳಕೆ ನಿಷೇಧಿಸಲಾಗುತ್ತದೆ. ಮಾನವನ ಬದುಕಿನ ಬಹುಭಾಗದ ಇತಿಹಾಸದಲ್ಲಿ, ಕೃಷಿಯು ಜೈವಿಕ ಎಂದು ವಿವರಿಸಬಹುದು; 20ನೇ ಶತಮಾನದ ಸುಮಾರಿಗೆ ಒಂದು ಹೊಸ ಸಂಶ್ಲೇಷಕ ರಾಸಾಯನಿಕಗಳನ್ನು ಆಹಾರದ ಪೂರೈಕೆಗೆ ದೊಡ್ಡ ಪ್ರಮಾಣದಲ್ಲಿ ಸೇರಿಸಲಾಯಿತು. ಈ ರೀತಿ ತೀರ ಇತ್ತೀಚಿನ ಉತ್ಪಾದನಾ ಶೈಲಿಯನ್ನು "ಸಾಂಪ್ರದಾಯಿಕ" ಎಂದು ಉಲ್ಲೇಖಿಸಲಾಗಿದೆ. ಜೈವಿಕ ಉತ್ಪಾದನೆಯಲ್ಲಿ, ಸಾಂಪ್ರದಾಯಿಕ ಅಜೈವಿಕ ಕ್ರಿಮಿನಾಶಕಗಳು, ಕೀಟನಾಶಕಗಳು ಹಾಗು ಸಸ್ಯನಾಶಕಗಳ ಬಳಕೆಯನ್ನು ಬಹುಮಟ್ಟಿಗೆ ನಿರ್ಬಂಧಿಸಿರುವುದರ ಜೊತೆಗೆ ಅದನ್ನು ಕಡೆಯ ಸಾಧನವಾಗಿ ಉಳಿಸಲಾಗಿದೆ. ಆದಾಗ್ಯೂ, ಈ ಜನಪ್ರಿಯ ಅಭಿಪ್ರಾಯಕ್ಕೆ ವಿರುದ್ಧವಾಗಿ, ಕೆಲವು ಅಜೈವಿಕ ರಸಗೊಬ್ಬರಗಳನ್ನು ಇಂದಿಗೂ ಬಳಕೆ ಮಾಡಲಾಗುತ್ತದೆ[ಸೂಕ್ತ ಉಲ್ಲೇಖನ ಬೇಕು]. ಜಾನುವಾರುಗಳು ಭಾಗಿಯಾಗಿದ್ದರೆ, ಅವುಗಳನ್ನು, ಪ್ರತಿಜೀವಕಗಳನ್ನು ನಿಯತಕ್ರಮದಲ್ಲಿ ಬಳಕೆ ಮಾಡದೆ ಹಾಗು ಬೆಳವಣಿಗೆಯ ಹಾರ್ಮೋನ್ ಗಳನ್ನು ಬಳಸದೆ ಪಾಲನೆ ಮಾಡಬೇಕು, ಇದಲ್ಲದೆ ಸಾಮಾನ್ಯವಾಗಿ ಒಂದು ಆರೋಗ್ಯಕರ ಆಹಾರವನ್ನು ನೀಡಬೇಕು.[ಸೂಕ್ತ ಉಲ್ಲೇಖನ ಬೇಕು] ಹಲವು ರಾಷ್ಟ್ರಗಳಲ್ಲಿ, ಜೈವಿಕ ಉತ್ಪನ್ನವು ಕುಲಾಂತರಿ ತಳಿಗೆ ರೂಪಾಂತರ ಆಗದಿರಬಹುದು. ನ್ಯಾನೋಟೆಕ್ನಾಲಜಿಯನ್ನು ಆಹಾರ ಮತ್ತು ಕೃಷಿಯಲ್ಲಿ ಅನ್ವಯಿಸುವುದು ಮುಂದಿನ ತಂತ್ರಜ್ಞಾನವಾದ್ದರಿಂದ ಪ್ರಮಾಣೀಕೃತಗೊಂಡ ಜೈವಿಕ ಆಹಾರದಿಂದ ಹೊರಗಿಡಬೇಕೆಂದು ಸಲಹೆ ನೀಡಲಾಗಿದೆ.[1] ದಿ ಸಾಯಿಲ್ ಅಸೋಸಿಯೇಶನ್ (UK) ಒಂದು ನ್ಯಾನೋ-ಬಹಿಷ್ಕಾರವನ್ನು ಜಾರಿಗೆ ತಂದ ಮೊದಲ ಜೈವಿಕ ಪ್ರಮಾಣಕರ್ತ.[2]
This article has been nominated to be checked for its neutrality. (July 2009) |
ಜೈವಿಕ ಆಹಾರದ ಉತ್ಪಾದನೆ ಖಾಸಗಿ ತೋಟಗಾರಿಕೆ ಗಿಂತ ವಿಭಿನ್ನವಾಗಿ ಒಂದು ಅತಿಹೆಚ್ಚಿನ ಪ್ರಮಾಣದ ನಿಯಂತ್ರಣಕ್ಕೊಳಪಟ್ಟ ಕ್ಷೇತ್ರ. ಪ್ರಸಕ್ತ, ಯುರೋಪಿಯನ್ ಒಕ್ಕೂಟ, ಯುನೈಟೆಡ್ ಸ್ಟೇಟ್ಸ್, ಕೆನಡಾ, ಜಪಾನ್ ಹಾಗು ಇತರ ಹಲವು ರಾಷ್ಟ್ರಗಳಲ್ಲಿ, ತಮ್ಮ ಗಡಿಯೊಳಗೆ ಆಹಾರವನ್ನು "ಜೈವಿಕ"ವೆಂದು ಮಾರಾಟಮಾಡಲು ಉತ್ಪಾದಕರುವಿಶೇಷ ಪ್ರಮಾಣೀಕರಣ ಪಡೆಯಬೇಕಾದ ಅಗತ್ಯವಿದೆ.
ಹಲವು ಪ್ರಮಾಣೀಕರಣಗಳು ಕೆಲವು ರಾಸಾಯನಿಕಗಳು ಹಾಗು ಕ್ರಿಮಿನಾಶಕಗಳ ಬಳಕೆಗೆ ಅನುಮತಿ ನೀಡುತ್ತವೆ[ಸೂಕ್ತ ಉಲ್ಲೇಖನ ಬೇಕು], ಹೀಗಾಗಿ ಗ್ರಾಹಕರು ತಮ್ಮ ತಮ್ಮ ಪ್ರದೇಶಗಳಲ್ಲಿ "ಜೈವಿಕ"ವೆಂದು ಅರ್ಹತೆ ಪಡೆದ ವಸ್ತುಗಳ ಮಾನದಂಡದ ಬಗ್ಗೆ ಅರಿವನ್ನು ಹೊಂದಿರಬೇಕು.
ಐತಿಹಾಸಿಕವಾಗಿ, ಜೈವಿಕ ಕೃಷಿ ಗೆ ಸಂಬಂಧಿಸಿದಂತೆ, ಅದು ಕುಟುಂಬಗಳು ನಡೆಸುವ ಒಂದು ಸಣ್ಣ ಚಟುವಟಿಕೆಯಾಗಿತ್ತು. ಈ ಕಾರಣಕ್ಕೆ ಜೈವಿಕ ಆಹಾರವು ಒಂದೊಮ್ಮೆ ಸಣ್ಣ ಮಳಿಗೆಗಳಲ್ಲಿ ಅಥವಾ ರೈತರ ಮಾರುಕಟ್ಟೆ ಗಳಲ್ಲಿ ಮಾತ್ರ ದೊರಕುತ್ತಿತ್ತು.[ಸೂಕ್ತ ಉಲ್ಲೇಖನ ಬೇಕು]
ಆದಾಗ್ಯೂ, 1990ರ ಪ್ರಾರಂಭದಿಂದೀಚೆಗೆ, ಜೈವಿಕ ಆಹಾರದ ಉತ್ಪಾದನೆಯು ವಾರ್ಷಿಕವಾಗಿ ಸುಮಾರು 20%ನಷ್ಟು ಬೆಳವಣಿಗೆಯ ಪ್ರಮಾಣವನ್ನು ಹೊಂದಿದೆ. ಇದು ಅಭಿವೃದ್ಧಿಹೊಂದಿದ ಹಾಗು ಅಭಿವೃದ್ಧಿಶೀಲ ರಾಷ್ಟ್ರಗಳೆರಡರಲ್ಲೂ ಉಳಿದೆಲ್ಲಾ ಆಹಾರ ಉದ್ಯಮಗಳಿಗಿಂತ ಬಹಳ ಮುಂದಿದೆ. ಏಪ್ರಿಲ್ 2008ರ ತನಕ, ವಿಶ್ವವ್ಯಾಪಿಯಾಗಿ ಜೈವಿಕ ಆಹಾರದ ಮಾರಾಟವು 1–2%ನಷ್ಟಿದೆ ಎಂದು ಗಣಿಸಲಾಗಿದೆ.[ಸೂಕ್ತ ಉಲ್ಲೇಖನ ಬೇಕು]