Historia Madagascariae
From Wikipedia, the free encyclopedia
Historia Madagascariae, magnae insulae ante Africam Orientalem praeter Fretum Mozambicense in Oceano Indico sitae, distinguitur per antiquum terrae secessum ex prisca supercontinente quae Africam Indiamque comprehendebat, et per recentem insulae colonizatione ab advenis humanis in scaphis ornatis ex Insulis Sundanensibus (in Archipelago Malaico) inter 200 a.C.n. et 500 p.C.n. navigantibus. Quae res binae evolutioni salutique aliquot milium endemicarum plantarum animaliumque specierum favebant, quarum autem nonnullae nunc exstinctae sunt, vel in periculo exstinctionis propter agitationem hominum stant. Insula bina milia annorum homines variarum originum identidem accepit, inter quae fuerunt Austronesiani, populi Bantuenses, Arabes, homines Asiae Meridianae, populi Sinenses, et populi Europaeai, ut maior multitudinis insulae pars hodie sit mixtura colonorum Austronesianorum, Bantuensium, Indianorum Septentrionalium, Arabum, et Somalium.[2]