Lunula fertilis
regio geographica et archaeologica / From Wikipedia, the free encyclopedia
Lunula fertilis[1] (e voce Anglica fertile crescent[2]; Arabice الهلال الخصيب al-hilāl al-chasīb; Hebraice הסהר הפורה) est regio lunaris in Medio Oriente quae hodiernas Iraquiam, Syriam, Libanum, Israel, Palaestinam, et Iordaniam comprehendit, una cum septentrione Cuvaiti, meridiana et oriente Turciae, et occidentali Iraniae partibus.[3][4] Cui regioni nonnulli auctores Cyprum et septentrionalem Aegyptum adsigant.
Lunula Fertilis putatur prima regio ubi agricultura consistens crevit, cum homines silvas aliamque vegetationem naturalem purgare et commutare coeperunt ad plantas ut fruges nuper domitu effectas incolerent. Qua pro causa primae civilizationes hominum, sicut Sumer in Mesopotamia, floruerunt.[5] Inter inventa technologica hac in regione facta numerantur evolutio agriculturae et adhibitio irrigationis, scripturae, rotarum, et vitri, quorum plurimi primum in Mesopotamia creverunt.