ഉബുണ്ടു ടിവി
സ്മാർട്ട് ടിവികൾക്കായുള്ള ഒരു സ്വതന്ത്ര ഓപ്പറേറ്റിംഗ് സിസ്റ്റമാണ് ഉബുണ്ടു ടിവി / From Wikipedia, the free encyclopedia
സ്മാർട്ട് ടിവികൾക്കായുള്ള ഒരു സ്വതന്ത്ര ഓപ്പറേറ്റിംഗ് സിസ്റ്റമാണ് ഉബുണ്ടു ടിവി. ഉബുണ്ടുവിൽ നിന്ന് വികസിപ്പിച്ചെടുത്ത ഈ ഓപ്പറേറ്റിംഗ് സിസ്റ്റം, ക്യൂട്ടി ആപ്ലികേഷൻ ചട്ടക്കൂടിൽ നിർമ്മിച്ചെടുത്ത യൂണിറ്റി 2ഡി സമ്പർക്കമുഖമാണ് ഉപയോഗിക്കുന്നത്.[2][3][4] സാധാരണ വീടുകളിൽ റിമോട്ട് കൺട്രോൾ ഉപയോഗിച്ച് പ്രവർത്തിപ്പിക്കാവുന്ന രീതിയിലാണ് ഉബുണ്ടു ടിവി വികസിപ്പിച്ചെടുത്തിട്ടുള്ളത്.[5]
നിർമ്മാതാവ് | കാനോനിക്കൽ / ഉബുണ്ടു ഫൗണ്ടേഷൻ |
---|---|
ഒ.എസ്. കുടുംബം | യൂണിക്സ് സമാനം / ലിനക്സ് / ഡെബിയൻ / ഉബുണ്ടു |
തൽസ്ഥിതി: | വികസനത്തിൽ |
സോഴ്സ് മാതൃക | ഓപ്പൺ സോഴ്സ് |
പ്രാരംഭ പൂർണ്ണരൂപം | ടിബിഎ 2012 |
പുതുക്കുന്ന രീതി | ആപ്റ്റ് |
പാക്കേജ് മാനേജർ | ഡിപികെജി |
സപ്പോർട്ട് പ്ലാറ്റ്ഫോം | ഐ386, എഎംഡി64, ആം[1] |
കേർണൽ തരം | ലിനക്സ് (മോണോലിത്തിക്ക്) |
Userland | ഗ്നു |
യൂസർ ഇന്റർഫേസ്' | യൂണിറ്റി |
സോഫ്റ്റ്വെയർ അനുമതി പത്രിക | ഗ്നു ജിപിഎൽ |
വെബ് സൈറ്റ് | www |
ഉബുണ്ടു ലിനക്സിൽ നിന്നുള്ള വ്യുൽപ്പന്നമായ ഉബുണ്ടു ടിവി, എംബെഡഡ് ഉപകരണങ്ങൾക്കായി പ്രത്യേകം നിർമ്മിക്കപ്പെട്ടതും ടെലിവിഷനുമായി സമന്വയിച്ച് ചേരുന്നതുമാണ്. 2012 സെസിലാണ് മനുഷ്യജീവികൾക്കായുള്ള ടിവി എന്ന മുദ്രാവാക്യവുമായി കാനോനിക്കൽ ഉബുണ്ടു ടിവി പുറത്തിറക്കുന്നത്.[6][7][8][1] 2012 മൊബൈൽ വേൾഡ് കോൺഗ്രസിലും ഉബുണ്ടു ടിവി പ്രദർശിപ്പിക്കപ്പെടുകയുണ്ടായി.[9] ഉബുണ്ടു ഫോർ ആൻഡ്രോയ്ഡ് ഉപകരണങ്ങൾ ടിവിയുമായി ഘടിപ്പിക്കപ്പെടുമ്പോൾ ഉബുണ്ടു ടിവി സമ്പർക്കമുഖമാണ് ഉപയോഗിക്കുക.[10]