ഹിന്ദുമതം ഇന്ത്യയിൽ
From Wikipedia, the free encyclopedia
ഇന്ത്യയിലെ ഏറ്റവും വലിയ മതമാണ് ഹിന്ദുമതം.[1][2] 2011 ലെ സെൻസസ് പ്രകാരം ഇന്ത്യയിൽ 966.3 ദശലക്ഷം ആളുകൾ ഹിന്ദുക്കളാണ്, ഇത് രാജ്യത്തെ ജനസംഖ്യയുടെ 79.8% ആളുകളെ പ്രതിനിധീകരിക്കുന്നു. ആഗോള ഹിന്ദു ജനസംഖ്യയുടെ 94% ഇന്ത്യയിലാണ്. [3] ഹിന്ദുമതം, ബുദ്ധമതം, ജൈനമതം, സിഖ് മതം എന്നീ ലോകത്തിലെ നാല് പ്രധാന മതങ്ങളുടെ ജന്മസ്ഥലമാണ് ഇന്ത്യൻ ഉപഭൂഖണ്ഡം.[4] ഇന്ത്യൻ ഹിന്ദുക്കളിൽ ബഹുഭൂരിപക്ഷവും ശൈവ, വൈഷ്ണവ വിഭാഗങ്ങളിൽ പെട്ടവരാണ്.[5] ഹിന്ദുമതം പ്രബലമായ മതമായിട്ടുള്ള ലോകത്തിലെ മൂന്ന് രാജ്യങ്ങളിൽ ഒന്നാണ് ഇന്ത്യ (നേപ്പാളും മൗറീഷ്യസും ആണ് മറ്റ് രണ്ട് രാജ്യങ്ങൾ).