बर्लिन
जर्मनी देशाची राजधानी / From Wikipedia, the free encyclopedia
बर्लिन (जर्मन: Berlin) ही जर्मनी देशाची राजधानी व १६ राज्यांपैकी एक राज्य आहे. सुमारे ३४.७ लाख लोकसंख्या असलेले बर्लिन हे जर्मनीमधील सर्वात मोठे शहर आहे.[1] बर्लिन शहर जर्मनीच्या ईशान्य भागात वसले असून ते बर्लिन-ब्रांडेनबुर्ग ह्या युरोपातील सर्वात मोठ्या महानगर क्षेत्राचे केंद्र आहे.
बर्लिन Berlin |
|||
जर्मनी देशाची राजधानी | |||
घड्याळाच्या काट्याच्या दिशेने: शार्लटनबुर्ग राजवाडा, फर्नसेहटुर्म बर्लिन, राइशस्टाग, बर्लिन कॅथेड्रल, राष्ट्रीय गॅलरी, पोट्सडामर प्लाट्झ व ब्रांडेनबुर्ग फाटक |
|||
|
|||
गुणक: 52°30′2″N 13°23′56″E |
|||
देश | जर्मनी | ||
राज्य | बर्लिन | ||
स्थापना वर्ष | अं. इ.स. ११९२ | ||
महापौर | क्लाउस वोवेराइट | ||
क्षेत्रफळ | ८९१.८ चौ. किमी (३४४.३ चौ. मैल) | ||
समुद्रसपाटीपासुन उंची | ११२ फूट (३४ मी) | ||
लोकसंख्या (३० एप्रिल २०११[1]) | |||
- शहर | ३४,७१,७५६ | ||
- घनता | ३,८६९.४ /चौ. किमी (१०,०२२ /चौ. मैल) | ||
- महानगर | ४४,२९,८४७ | ||
प्रमाणवेळ | मध्य युरोपीय प्रमाणवेळ | ||
berlin.de |
१२व्या शतकाच्या सुमारास स्थापन झालेल्या बर्लिनला युरोपाच्या इतिहासात विशेष स्थान आहे. आजवर बर्लिन ही प्रशियाच्या राजंत्राची (१७०१ - १९१८), जर्मन साम्राज्याची (१८७१ - १९१८), वाइमार प्रजासत्ताकाची (१९१९ - १९३३), नाझी जर्मनीची (१९३३ - १९४५) व आजच्या जर्मनी देशाची (१९९० - चालू) राजधानी राहिलेली आहे. दुसऱ्या महायुद्धामध्ये नाझी जर्मनीचा पराभव झाल्यानंतर बर्लिन शहराचे दोन तुकडे करण्यात आले. पूर्व बर्लिन हे पूर्व जर्मनीच्या राजधानीचे शहर तर पश्चिम बर्लिन हे पश्चिम जर्मनीच्या अधिपत्याखालील शहर हे दोन तुकडे बर्लिनच्या भिंतीने वेगळे करण्यात आले. १९९० साली जर्मनीच्या एकत्रीकरणानंतर बर्लिनची भिंत पाडून टाकण्यात आली व बर्लिन शहर पुन्हा एकदा एकसंध झाले.
एक जागतिक शहर असलेले बर्लिन हे राजकीय, शैक्षणिक व सांस्कृतिक दृष्ट्या युरोपामधील एक प्रमुख शहर आहे.