Piknikkorg
From Wikipedia, the free encyclopedia
Piknikkorg er ei korg som kan brukast til å ha med mat og utstyr til ein piknik. Ei piknikkorg, ofte fletta av vidje,[1] blir ofte sett på som nødvendig utstyr ved ein piknik.[2]
Pikknikkorga kan vera alt frå ei enkel korg med mat og utstyr ein har pakka heime, til ei spesiallaga korg med lok, oppbevaringsplassar og utstyr. Ei slik korg kan ha trygge plassar til varm og kald mat og drikke, piknikglas, tallerkar og bestikk festa med reimer og teppe til å sitja og servera maten på.[3] Velutstyrte korger kan også innehalde til dømes salt og pepar og skjerefjøler.[1]
Mange stader er det mogleg å kjøpa ei ferdig pakka piknikkorg.[4] I Storbritannia er særleg Fortnum & Mason blitt kjende som leverandørar av piknikkorger, ofte til prestisjetunge hendingar som Ascot-veddeløpa, Henley-regattaen, Wimbledon-tevlinga i tennis, cricket ved Lord's Cricket Ground eller rugby ved Twickenham Stadium.[5]
- Piknikkorg frå ca. 1900 i Mark Twain House and Museum
- Piknikkorg frå 1910.
- Japansk familie med ei enkel piknikkorg i 1915.
- Piknikkorg frå 1955.
- Familie med ei piknikkorg i ein bronseskulptur av Kees Verkade frå 1978.