Greda
From Wikipedia, the free encyclopedia
La greda es una ròca sedimentària calcària blanca marina de tipe biomicrita, de textura mudstone a packstone, de gran mai sovent prim, tibada, marcanta, porósa e permeabla, e pro pura contenent gaireben pas que de carbonat de calci CaCO3 (90 % o mai) e un pauc d'argila. Formada dins las mars caudas e pauc prigondas, es constituida subretot[1] per comol d'algas planctonicas (subretot de coccolithes), que s’apondon en quantitat variabla de fragments d'inocerams, d'equinodèrmes o de briozoaris, e tanben de foraminifèrs[2]. Los comols màger de greda en Euròpa datan de Cretacèu, periòde geologic qu'an la meteissa etimologia.
La greda es un calcari sovent fòrça pur, pòt pasmens èsser marnosa (qunad lo taus d'argila atenh de tauses nauts), glauconiosa ( conten de la glauconia), dolomitica (se conten de recristallizacions de dolomita coma dins la greda de Vernon), o silex, etc. La greda conten mai sovent de nivèls de silex interstratificats. La tufa e de greda micacèu o sablenca de gran fin, de color blanca o crèma a vegada jaunenca, contenent de palhetas de mica blanca (muscovita).