Andonie Vivaldi
From Wikipedia, the free encyclopedia
Andonie Lucio Vivaldi (Venezie, 4 màrze 1678 – Vienne, 28 luglie 1741) ha state 'nu combositore e violiniste tagliàne legate a l'ambiende d'u tarde barocco veneziane.
«Se questa non piace, non scriverò più di musica» |
(Andonie Vivaldi, sus a 'u manoscritte de 'n'arie de l'Orlando finto pazzo) |
François Morellon de la Cave: Andonie Vivaldi - Effigies Antonii Vivaldi pe l'edizione Le Cène de l'op. 8 d'u 1725
Ha state une de le violoniste cchiù virtuose d'u timbe sue, securamende 'u cchiù ammirate e une de le cchiù granne combositure de museche barocche. Conziderate umanimamende 'u cchiù 'mbortande, influente e origgenale combositore d'a penisole tagliàne de l'epoca soje, Vivaldi condrebbuì significativamende a 'u sviluppe d'u congerte, soprattutte solisteche, genere accumenzate da Gesèppe Torelli e, d'a tecniche d'u violine e de l'orchestrazione. Non ge trascurò inoltre l'opere liriche. Vastissime l'opera combositiva soje ca combrende tra l'otre numerose congerte, sonate e brane de museca sacre.
Le opere sue influenzarene numerose comboseture d'u timbe sue, soprattutte tedesche, 'mbrà le quale Bach, Pisendel e Heinichen.
Cumme avenìe pe 'nu sacche de comboseture d'u barocche, apprisse 'a morta soje 'u nome sue e 'a museca soje caderene jndr'à l'obblie. Ha state grazie a 'a ricerche de certe musecologe d'u XX sechele, cumme Arnold Schering, Marc Pincherle, Alberto Gentili e Alfredo Casella, ca Vivaldi ha assute 'n'otra vote da 'a dimenticanze.
Le combosiziune sue cchiù famose sonde le quattre congerte pe violine canusciute cumme Le quattre stagiune, celebre esembie de museche a suggette.
L'ha state dedicate 'nu cratere sus a Mercurio[1].