தக்காளி
From Wikipedia, the free encyclopedia
தக்காளி சமையலிற் காயாகவும் பழமாகவும் பயன்படும் ஒரு காய்கறிச் செடியினமாகும். இது கத்தரிக்காய், குடைமிளகாய் போன்றே சோலானேசியெ (Solanaceae ) அல்லது நிழல்சேர் (nightshade) செடிக் குடும்பத்தைச் சேர்ந்த செடியினமாகும். இதனை அறிவியலில் சோலானம் லைக்கோபெர்சிக்கம் (Solanum lycopersicum) அல்லது இணையாக லைக்கோபெர்சிக்கன் லைக்கோபெர்சிக்கம் (Lycopersicon lycopersicum) என்று அழைக்கிறார்கள்.[1][2] இதன் தாயகம் (தென் அமெரிக்கா, நடு அமெரிக்கா மற்றும் வட அமெரிக்காவின் தென் பகுதியாகும். குறிப்பாக பெரு, மெக்சிக்கோவில் இருந்து அர்ஜெண்டைனா வரையான பகுதியாகும்.[2][3] ஓராண்டுத் தாவரமான இது 1-3 மீ உயரமாக வளர்கிறது.
தக்காளி | |
---|---|
சந்தைப்படுத்தப்பட்ட தக்காளியின் குறுக்குவெட்டுத் தோற்றம் | |
உயிரியல் வகைப்பாடு | |
திணை: | |
துணைத்திணை: | |
பிரிவு: | |
வகுப்பு: | |
துணைவகுப்பு: | Asteridae |
வரிசை: | சோலானேல்ஸ் |
குடும்பம்: | |
பேரினம்: | சோலானம் |
இனம்: | சோ. லைகோபெர்சிகம் |
இருசொற் பெயரீடு | |
சோலானம் லைகோபெர்சிகம் லின்னேயஸ் | |
வேறு பெயர்கள் | |
Lycopersicon lycopersicum |
ஆங்கிலத்தில் இதற்கு வழங்கும் பெயரான டொமேட்டோ (அல்லது டொமாட்டோ) என்பது நஃகுவாட்டில் (Nahuatl) மொழிச்சொல்லான டொமாட்ல் (tomatl) என்பதில் இருந்து வந்ததாகும்.[3][4] இதனை அப்பகுதிகளை முன்னர் ஆண்ட ஆசுட்டெக் மக்கள் தங்கள் மொழியில் ஷிட்டோமாட்ல் (xitomatl, ஒலிப்பு shi-to-ma-tlh) என்று அழைக்கப்பட்டது. அறிவியல் பெயராகிய லைக்கோபெர்சிக்கம் (lycopersicum) என்பது ஓநாய்-பீச்பழம் ("wolf-peach") என்று பொருள்படுவது, ஏனெனில் இவற்றை ஓநாய்கள் உண்ணும்.