பழக்க அடிமைத்தனம் (addiction) என்பது ஏதாவது ஒரு பழக்கம் தொடர்பில் அளவுக்கு அதிகமான ஈடுபாடு கொண்டிருத்தலைக் குறிக்கும். பல சமயங்களில் உடலளவிலும், உள்ளத்தளவிலும் இத்தகைய பழக்கங்களில் தங்கியிருத்தலையும் இது குறிக்கும். போதைப்பொருள் பாவனை, மதுபானம்அருந்துதல், சூதாட்டம், புகைத்தல் அல்லது புகையிலை பிடித்தல் போன்றவற்றில் ஏற்படக்கூடிய பழக்கங்கள் இத்தகையவை ஆகும். சில பழக்கங்கள் தீங்கு தரும் பின் விளைவுகளைத் தரக்கூடியவையாக இருப்பினும், அவற்றினால் கிடைக்கும் திருப்தி காரணமாக, தொடர்ந்து குறிப்பிட்ட பழக்கத்தில் தன்னை ஈடுபடுத்திக் கொள்ளும் ஒரு மூளைச் சமநிலையற்ற தன்மை பழக்க அடிமைத்தனமாகும்[1].
மேலதிகத் தகவல்கள் பழக்க அடிமைத்தனம், வகைப்பாடு மற்றும் வெளிச்சான்றுகள் ...
பழக்க அடிமைத்தனம் |
---|
வகைப்பாடு மற்றும் வெளிச்சான்றுகள் |
---|
சிறப்பு | மன நல அடிமைத்தனம் மருந்துகளுக்கு அடிமையாதல் |
---|
ஐ.சி.டி.-10 | ICD10|F10-F19 உட்பிரிவு .2 |
---|
|
|
மூடு
மருத்துவத்தில் பழக்க அடிமைத்தனம் என்பது, உடலின் சாதாரண தொழிற்பாடுகளுக்கு, போதை மருந்து போன்ற ஏதாவது ஒரு பொருளில் தங்கியிருக்கும் நிலையைக் குறிக்கிறது. இப்பொருள் திடீரென மறுக்கப்படும்போது உடலில் சில தனித்தன்மையான அறிகுறிகள் தோன்றுகின்றன. பொருட்களைத் தவறாகப் பயன்படுத்தி உட்கொள்ளுவதனால் மட்டுமன்றி மருத்துவர்களால் பரிந்துரைக்கப்படும் மருந்துகளைத் தொடர்ந்து உட்கொள்ளுவதனாலும் இந்நிலை ஏற்படலாம். மருந்துகள் மற்றும் உட்கொள்ளும் பொருட்கள் தொடர்பில் மட்டுமன்றி அளவு மீறிய கணினிப் பழக்கம் முதலியனவும் பழக்க அடிமைத்தனத்தை உண்டாக்கக் கூடும்.
இந்த பழக்க அடிமைத்தனம் ஒருவருடைய உடல்நலம், உளநலம், சமூக வாழ்க்கை போன்றவற்றைப் பாதிப்பதுடன், ஒரு நோய் நிலையாகக் கருதப்படக் கூடியதாகும்[2]. இருப்பினும் இவ்வகையான பழக்க அடிமைத்தனத்தில் இருந்து மீண்டு, சாதாரண, வளமான வாழ்க்கையைத் தொடருவதற்கான சில வினைத்திறனான மருத்துவ முறைகளும் உள்ளன[1].
மேலதிகத் தகவல்கள் பழக்க அல்லது சார்பு அடிமைத்தன்மை குறித்த அருஞ்சொல் விளக்கத்தொகுதி ...
பழக்க அல்லது சார்பு அடிமைத்தன்மை குறித்த அருஞ்சொல் விளக்கத்தொகுதி |
- பழக்க அடிமைத்தனம் மூளை ஒழுங்கின்மை என்பது, பாதகமான சூழ்நிலைகளின் தொகுப்பானது தூண்டப்படும்போது ஏற்படும் விளைவுகளால் உருவானது ஆகும்.
|
- அடிமைப் பழக்க வழக்கங்கள் பாதகமான பழக்க வழக்கங்களின் வெகுமதியாகவும், அது தூண்டப்படுவதால் ஏற்படும் விளைவுகளாக இதனை குறிக்கலாம்.
|
|
போதைப் பொருட்களை நிறுத்தல் போதைப் பொருட்களை அடிக்கடி உபயோகப் படுத்தக்கூடியவர்கள் அதனை திடீரென நிறுத்துவதனால் ஏற்படும் அறிகுறிகள் ஆகும். |
உடல்ரீதியான சார்பு சோர்வு போன்ற காரங்களினால் உடலியல் ரீதியாக மற்றவர்களை சார்ந்திருத்தல் ஆகும். |
|
மூடு