![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c3/Dr._Bhimrao_Ambedkar.jpg/640px-Dr._Bhimrao_Ambedkar.jpg&w=640&q=50)
బి.ఆర్. అంబేద్కర్
భారత రాజ్యంగా రచయిత / From Wikipedia, the free encyclopedia
భీంరావ్ రాంజీ అంబేద్కర్ (డా. బాబాసాహెబ్ అంబేద్కర్ గా సుపరిచితుడు) (1891 ఏప్రిల్ 14 - 1956 డిసెంబరు 6) ప్రముఖ భారతీయ న్యాయవాది, ఆర్థిక శాస్త్రవేత్త, రాజకీయ నేత, సంఘ సంస్కర్త. ఇతను అంటరానితనం, కుల నిర్మూలన కోసం ఎంతో కృషి చేశాడు. అతను స్వతంత్ర భారతదేశపు మొట్టమొదటి కేంద్ర న్యాయశాఖ మంత్రి, రాజ్యాంగ శిల్పి.[4][5]
భీంరావ్ రాంజీ అంబేద్కర్ | |||
![]() | |||
కేంద్ర న్యాయ శాఖ మంత్రి మొదటి కేంద్ర న్యాయ శాఖ మంత్రి | |||
పదవీ కాలం 15 ఆగస్టు 1947 – సెప్టెంబరు 1951 | |||
ప్రధాన మంత్రి | జవాహర్ లాల్ నెహ్రూ | ||
---|---|---|---|
ముందు | స్థానాన్ని ప్రారంభించారు | ||
తరువాత | చారు చంద్ర బిశ్వాస్ | ||
వ్యక్తిగత వివరాలు |
|||
జననం | (1891-04-14)1891 ఏప్రిల్ 14 మౌ, సెంట్రల్ ప్రావిన్సు, బ్రిటిష్ ఇండియా | ||
మరణం | 1956 డిసెంబరు 6(1956-12-06) (వయసు 65) | ||
రాజకీయ పార్టీ | షెడ్యూల్ కులాల సంఘం | ||
ఇతర రాజకీయ పార్టీలు | రిపబ్లికన్ పార్టీ, ఇండిపెండెంట్ లేబర్ పార్టీ [1] | ||
జీవిత భాగస్వామి | |||
పూర్వ విద్యార్థి | ముంబై విశ్వవిద్యాలయం బి.ఎ. కొలంబియా విశ్వవిద్యాలయం ఎం.ఎ., పి.హెచ్.డి. లండన్ విశ్వవిద్యాలయం ఎం.ఎస్. సి, డి.ఎస్.సి. గ్రేస్ ఇన్న్ బార్-అట్-లా ఎల్.ఎల్.డి., డి. లిట్. | ||
వృత్తి | ఆర్థికవేత్త, రాజకీయ నాయకుడు,సంఘ సంస్కర్త | ||
పురస్కారాలు | భారత రత్న (మరణాంతరం 1990లో ) |
ఇతను కొలంబియా విశ్వవిద్యాలయం నుండి పి.హెచ్.డి., లండన్ విశ్వవిద్యాలయం నుండి డి.ఎస్.సి (డాక్టరేట్) పట్టాలను పొంది చాలా అరుదైన గౌరవాన్ని సంపాదించాడు. న్యాయ, సామాజిక, ఆర్థిక శాస్త్రాలలో పరిశోధనలు చేశాడు. మొదట్లో న్యాయవాదిగా, అధ్యాపకుడిగా, ఆర్థికవేత్తగా పనిచేశాడు. తరువాత భారతదేశ స్వాతంత్ర్యం, పత్రికల ప్రచురణ, దళితుల సామాజిక రాజకీయ హక్కులు, భారతదేశ రాజ్యాంగ వ్యవస్థాపన కోసం కృషి చేశాడు. 1956లో ఇతను బౌద్ధ మతాన్ని స్వీకరించడంతో దళితులు సామూహికంగా బౌద్ధంలోకి మత మార్పిడి చేసుకున్నారు.[6]
1990లో భారత ప్రభుత్వం అత్యున్నత పౌర పురస్కారం భారత రత్నను ఇతనికి మరణాంతరం ప్రకటించింది. భారతదేశ చరిత్రలో చిరస్మరణీయంగా నిలిచిన నాయకుడు.[7] ఇతను చేసిన విశేష కృషికి ఇతని పుట్టినరోజును “అంబేద్కర్ జయంతి”గా జరుపుకుంటారు. 2012లో ది హిస్టరీ ఛానల్, రిలయన్స్ మొబైల్ భాగస్వామ్యంతో అవుట్ లుక్ మ్యాగజైన్ నిర్వహించిన ది గ్రేటెస్ట్ ఇండియన్ పోల్ లో అతను మొదటి స్థానంలో ఎంపికైయ్యాడు.[8]