Baha sa Arabyang Saudi noong 2009
From Wikipedia, the free encyclopedia
Ang Baha sa Arabyang Saudi noong 2009 ay nakaapekto sa Jeddah, sa baybayin ng Saudi Arabia sa may Red Sea (kanluran), at iba pang lugar ng lalawigan ng Makkah.[2][3] Itinuturing ito ng mga opisyal ng tanggulang sibil bilang pinakamalalang sa loob ng 27 taon[4]. Hanggang noong Linggo 29 Nobyembre 2009, umaabot na sa 106 na tao ang naiulat na namatay, at higit pa sa 350 ang nawawala. Ilang kalsada ang nalubog sa tubig baha na may lalim na isang metro (mga tatlong piye) noong Huwebes Nobyembre 26, at marami sa mga biktima ang pinaniniwalaang nalunod sa kanilang mga sasakyan. Hindi bababa sa 3,000 mga sasakyan ang naanod o nasira[2][5][6]. Inaasahan pang tumaas ang bilang ng namatay sa paghupa ng baha na makakatulong sa mga tagasalba na mapuntahan ang mga naiwang mga sasakyan[7]
Petsa | 25 Nobyembre 2009 |
---|---|
Lugar | Jeddah at iba pang lugar sa lalagiwan ng Makkah |
Mga namatay | 106 [1] (higit sa 350 ang nawawala) |
Danyos sa ari-arian | SAR 1 bilyon (nalugi sa negosyo pa lang) US$270 million (business losses alone) |
Higit sa 90 millimetro (3 ½ pulgada) ng ulan ang bumuhos sa Jeddah sa loob lamang ng apat na oras noong Miyerkules Nobyembre 25[2][5] Ito ay halos dalawang beses ng pamantayan sa buong taon[8] at ang pinakamalakas na pagbuhos ng ulan sa Arabyang Saudi sa loob ng isang dekada[9]. Naganap ang pagbaha dalawang araw bago ang inaasahang petsa ng pagdiriwan ng EID al-Adha at sa panahon ng taunang Hajj sa kalapit na Mecca[10] Tinatayang umabot sa isang bilyon riyals (US $ 270 million) ang nalugi sa mga negosyo. Ang mahihirap na pamayanan sa timog na bahagi ng Jeddah ang pinakatinamaan, gayundin ang lugar sa paligid ng Pamantasang King Abdulaziz. Nagsara ang pamatansan para sa bakasyon sa panahon ng baha para na rin mapigilan ang pagtaas ng bilang ng mga nasalantan.[11]