Kandang XII
From Wikipedia, the free encyclopedia
Remove ads
Kandang Baiturrijal, atawa jinoë kayém geukheun ngon Kandang XII, nakeuh saboh komplek jeurat keuluarga Keurajeuën Acèh Darussalam nibak abad keu-16. Komplek makam nyan na di Gampông Barô, Keucamatan Baiturrahman, Kuta Banda Acèh, kira-kira 500 mètè dari Meuseujid Raya Baiturrahman.[1][2]
Nan
Hikayat Acèh geupeugah pemakaman sôleutan Acèh nyan ngon nan Kandang Baiturrijal. Narit kandang nyan keudroë lam bahsa Acèh mumakna saboh teumpat peusapat atawa komplek kubu biek sôleutan.[3] Nan Kandang XII meuhubông ngon jeumeulah kubu lam komplek nyan, nyang meuasai nibak thôn 1500 sampoë 1580 M.[1]
Ureuëng nyang geuseumeuyup
Nan-nan ureuëng nyang jeuet tatupeue lam komplek kubu nyoe nakeuh:[1][3][4]
- Sôleutan Salahuddin bin Ali Mughayat Syah
- Muhammad Rumi (dipeugah ureuëng khadam Sôleutan Ali Mughayat Syah)
- Sôleutan Ali Mughayat Syah bin Syamsu Syah
- Sôleutan Alauddin Al-Qahhar bin Ali Mughayat Syah
- Sôleutan Husain Ali Ri’ayat Syah bin Alauddin Al-Qahhar
- Sôleutan Muda bin Ali Ri’ayat Syah
- Sôleutan Yusuf bin Abdullah bin Alauddin Al-Qahhar
- Sôleutan Ghori bin Alauddin Al-Qahhar
- Muhammad Syah bin Alauddin Al-Qahhar
- Abdullah Al-Malik Shalihil-Qudah bin Alauddin Al-Qahhar, teungui cit nan Sôleutan Alauddin Malik Syah
Na batèe-batèe jrat bak kubu dua droë ureuëng nyang gohlom jeuët geubaca deungon jeulah dan hana geutupeue soe ureuëng nyan. Salah saboh kubu nyan nakeuh kubu ureuëng inong nyang na batèe kubu payong dan bida ngon kubu-kubu nyang laén.[1]
Remove ads
Cagar budaya
Komplek makam nyoe ka geupeurôh lam cagar budaya di Propinsi Acèh. Ureuëng keumunjông hana geucok biaya sapeuë keu jak tamong u teumpat pusaka budaya nyoe.[1]
Asai seunurat
Wikiwand - on
Seamless Wikipedia browsing. On steroids.
Remove ads