Adam Johann von Krusenstern

Adam Johann Baron von Krusenstern (ook bekend as Iwan Fjodorowitsch Krusenstern, Ivan Fedorovich Kruzenshtern, Russies Ивáн Фёдорович Крузенштéрн, wetenskaplike transliterasie: Ivan Fëdorovič Kruzenštern; * 19 November 1770 in Haggud naby Rapla, Estland; † 24 Augustus 1846 in Slot Ass naby Kiltsi, Estland) was 'n Duits-Baltiese admiraal in die Keiserlike Russiese Vloot. Hy was die eerste Russiese vlootaanvoerder wat tussen 1803 en 1806 om die aardbol geseil het. Die skepe van hierdie ekspedisie het ook in die kolonie Russies-Amerika (Alaska) aangedoen, en alhoewel hy nooit self in Alaska voet aan wal gesit het nie, was hy een van die invloedrykste voorstaanders van Rusland se koloniale ambisies in Amerika aan die Sint Petersburgse tsarehof.^[1] Sy suster, Christiane von Krusenstern, het in 1795 die tweede vrou van die Duitse skrywer August von Kotzebue geword.

Adam Johann Baron von Krusenstern Иван Фёдорович Крузенштерн
Gebore	19 November 1770 Haggud naby Rapla (tans Estland)
Sterf	24 Augustus 1846 Slot Ass naby Kiltsi (tans Estland)
Nasionaliteit	Rusland  Swede
Beroep	Admiraal in die Keiserlike Russiese Vloot
Eggenoot	Juliana Charlotte von Taube
Ouer(s)	Johann Friedrich von Krusenstern Christine Friederike von Toll

Krusenstern het sy opleiding aan die Seekadettekorps in Kronstadt voltooi en tussen 1787 en 1790 aan die Russiese oorloë teen Swede deelgeneem. Van 1793 tot 1799 het hy in Noord-Amerika, Afrika en Asië diens in die Britse Vloot gedoen.

Verwysings

1. Henner Kropp: Russlands Traum von Amerika. Die Alaska-Kolonisten, Russland und die USA, 1733−1867. Göttingen: Vandenhoeck & Ruprecht 2020, bl. 9