groot myndorp in Gauteng, Suid-Afrika From Wikipedia, the free encyclopedia
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Brakpan is 'n groot myndorp in Gauteng, Suid-Afrika met goud- en uraanmyne. Die dorp het munisipale status verkry in 1919. Die myners van Brakpan het deelgeneem aan die 1922-staking. Die naam is die eerste keer in die 1880's gebruik weens die nabyheid van 'n seisoenale meer wat jaarliks opgedroog het en 'n "brak pan" geword het.
Brakpan | |
|---|---|
 Pentecost Protestantekerk in Brakpan | |
  Brakpan Brakpan se ligging in Gauteng | |
| Koördinate: 26°14′07″S 28°22′12″O | |
| Land |  Suid-Afrika |
| Provinsie | Gauteng |
| Munisipaliteit | Ekurhuleni |
| Stigting | 1888 |
| Oppervlak | |
| • Totaal | 182,81 km2 (70,58 vk. myl) |
| Hoogte | 1 631 m (5 351 ft) |
| Bevolking (2011)[1] | |
| • Totaal | 73 080 |
| • Digtheid | 400/km2 (1 000/vk. myl) |
| Rasverdeling (2011) | |
| • Wit mense | 53.3% |
| • Indiërs/Asiërs | 4.1% |
| • Bruin mense | 2.5% |
| • Swart mense | 39.7% |
| • Ander | 0.4% |
| Taal (2011) | |
| • Afrikaans | 47.2% |
| • Engels | 16.5% |
| • Zoeloe | 14.3% |
| • Suid-Sotho | 4.8% |
| • Ander | 17.2% |
| Poskode (strate) | 1541 |
| Poskode (posbusse) | 1540 |
| Skakelkode | 011 |
| Webwerf | http://www.brakpan-online.co.za/ |
Die eerste aktiwiteit wat mense na die omgewing gelok het was die steenkoolmyn wat deur die Britte in bedryf gestel is in die 1880's. 'n Groot steenkoolaangedrewe kragstasie het gevolg. 'n Tremlyn na Johannesburg is aangelê om die kragstasie te bedien.
Die Hoofrifweg (Main Reef Road) het Brakpan verbind aan al die ander myndorpe in die Witwatersrand. Brakpan was van 1914–1919 'n buurt van Benoni. Die dorp het geleidelik sy status as belangrike myndorp verloor, omdat die omliggende myne se opbrengste laer en kostes hoër geword het. Baie Britse inwoners het geëmigreer tydens die apartheidsera wat plek gemaak het vir Afrikanerboere wat hul heenkome aan die Rand kom soek het.
Uitbreidings aan die dorp in die vroeë 1990's en die opening van 'n kasino te Carnival City,[2] het nie veel bygedra om die konserwatiewe beeld van die dorp te verander nie.
Tsakane is 'n groot township-area, met 136 000 inwoners in 2011, wat deel van Brakpan vorm. Sedert 2000 vorm Brakpan deel van die Ekurhuleni Metropolitaanse Munisipaliteit.
