From Wikipedia, the free encyclopedia
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Santa Cruz is die administratiewe hoofstad van die Santa Cruz-distrik van die deelstaat Kalifornië (in die Verenigde State) met 'n oppervlakte van 41 vierkante kilometer en sowat 60 000 inwoners (2010). Die stad lê teen die noordelike kant van die Montereybaai, sowat 100 kilometer suid van San Francisco. 'n Kampus van die Universiteit van Kalifornië in Santa Cruz (Engels: University of California, Santa Cruz) lê noord-wes van die stad.
Santa Cruz | |
|---|---|
Stad | |
 'n Uitsig oor Santa Cruz en Montereybaai | |
| Byname: Surf City | |
 Ligging van Santa Cruz in Kalifornië, VSA | |
| Koördinate: 36°58′19″N 122°01′35″W | |
| Land |  Verenigde State |
| Deelstaat | Kalifornië |
| County | Santa Cruz |
| Regering | |
| • Burgemeester | Don Lane |
| Oppervlak | |
| • Totaal | 40,996 km2 (15,828 vk. myl) |
| • Land | 32,997 km2 (12,740 vk. myl) |
| • Water | 7,999 km2 (3,088 vk. myl) 19.51% |
| Hoogte | 11 m (36 ft) |
| Bevolking | |
| • Totaal | 59 946 |
| • Digtheid | 1 816,7/km2 (4 705,3/vk. myl) |
| Tydsone | UTC-08:00 (PST) |
| • Somertyd | UTC-07:00 (PDT) |
| ZIP-kode | 95060-95067 |
| Skakelkodes | 831 |
| Webwerf | cityofsantacruz.com |
Die gebied is oorspronklik deur die Ohlone, jagters en versamelaars en een van Kalifornië se Eerste Nasies, bewoon. Op 28 Augustus 1791 het Padre Fermín Lasuén die sendingstasie Santa Cruz gestig, wat na die naamdag van sy stigtingsdatum vernoem is. Dit was die twaalfde van altesame 21 sendingstasies in Alta California (Opper-Kalifornië). Hier het aanvanklik lede van die Ohlone-stam, later ook Yokut begin werk. Die sendingstasie is in 1818 uit vrees vir 'n roofaanval ontruim. In plaas daarvan om dit te beskerm, het Spaanse setlaars die stasie geplunder. Nadat dit later deur 'n aardbewing verwoes is, is die sendingwerk in Santa Cruz gestaak.
Die naam Santa Cruz is later vir die nedersettings in die omgewing oorneem. Terwyl die Ohlone deur Spaanse setlaars verdryf is of aan siektes en dwangarbeid beswyk het, het Santa Cruz in die 19de eeu danksy setlaars van die Amerikaanse Ooskus en Midweste en immigrante uit Skotland, Italië, China en Portugal begin groei. Die Spaanse setlaars is onteien en verdryf, nadat Kalifornië 'n deelstaat van die Verenigde State geword het.
Die Loma Prieta-aardbewing van die jaar 1989 het baie historiese geboue in die binnestad van Santa Cruz verwoes en vyf menselewens geëis. Danksy sy ligging naby die Kaliforniese Silicon Valley het die eiendomspryse as gevolg van die groei in die hoëtegnologie-sektor die hoogte ingeskiet, en Santa Cruz word nog steeds as een van die vyf Amerikaanse stede met die hoogste eiendomspryse gelys.
Santa Cruz, wat ook Surf City USA genoem word, was in 1885 die eerste stad in Kalifornië, waar die branderplankrysport beoefen is. Talle internasionale branderplankry-wedstryde vind nog steeds hier plaas.
Die vermaaklikheidspark Santa Cruz Beach Boardwalk is die oudste in Kalifornië. Toerisme is naas landbou, tersiêre onderwys en hoëtegnologie nog steeds een van die hoofsaaklike bronne van inkomste in Santa Cruz.
Santa Cruz het met die oprigting van die universiteitskampus 'n groot aantal jong mense gelok en ook alternatiewe lewensstyle gewild gemaak. Die stad het sodoende ook 'n sentrum van die organiese boerdery geword.
Die bekendste plaaslike hoëtegnolgie-maatskappye is The Santa Cruz Operation (SCO) (tans Tarantella, Inc.) en Plantronics. Ander belangrike ondernemings, wat hulle hoofkwartiere in Santa Cruz het, is Giro (fietshelme), The Santa Cruz Guitar Company (kitare), Good Earth Tea (tee) en Erik's Deli Café.
 |
Wikimedia Commons bevat media in verband met Santa Cruz, Kalifornië. |
