2010 RF12

2010 RF₁₂ is 'n baie klein asteroïed, wat geklassifiseer is as 'n nabyaardevoorwerp van die Apollo-groep. Dit het op 8 September 2010 tussen die Aarde en die Maan deur beweeg en bo Antarktika sowat 79 000 km van die Aarde af gekom.^[1] Die asteroïed is op 5 September 2010 deur die Mount Lemmon-opname in Arizona ontdek saam met 2010 RX₃₀.^[2][3] Weens 'n kort waarnemingstydperk van sewe dae is dit vir 12 jaar geklassifiseer as die asteroïed met die grootste kans om die Aarde te tref.^[4]

2010 RF₁₂

Ontdekking
Ontdek deur:	Mount Lemmon-opname
Wenteleienskappe
Afelium:	1,261 AE
Perihelium:	0,86155 AE
Halwe lengteas:	1,0615 AE
Eksentrisiteit:	0,18834
Baanhelling:	0,88264°

2010 RF₁₂ is in Augustus 2022 herontdek^[5][2] en het nou 'n waarnemingstydperk van 12 jaar. Sy wentelbaan is dus beter bekend. Met die tyd van 2022 se oorsig, wat niegravitasionele kragte in ag geneem het,^[6] was daar 'n kans van 1 uit 10 dat dit die Aarde op 5 September 2095 kan tref.^[7]