Albert, prinsgemaal

Prins Albert van Sakse-Koburg en Gotha (Francis Albert Augustus Charles Emmanuel' 26 Augustus 1819 – 14 Desember 1861), later SKH die Prinsgemaal, was die eggenoot van koningin Victoria van die Verenigde Koninkryk. Talle geboue en plekke is na hom genoem, onder ander die Albert Memorial, die Albert Hall en die Victoria & Albert Museum in Londen.

Albert van Sakse-Koburg en Gotha
Prinsgemaal van die Verenigde Koninkryk
Skildery deur Franz Xaver Winterhalter, 1842.
Volle naam	Francis Albert Augustus Charles Emmanuel
Eggenote	Victoria van die Verenigde Koninkryk
Kinders	Prinses Victoria, keiserin van Duitsland Edward VII Prinses Alice, Groothertogin van Hesse Alfred, Hertog van Sakse-Koburg en Gotha Helena, prinses Christiaan van Sleeswyk-Holstein Prinses Louise, Hertogin van Argyll Prins Arthur, Hertog van Connaught en Strathearn Prins Leopold, Hertog van Albany Beatrice, prinses Henry van Battenberg
Titels	SKH die Prinsgemaal SKH prins Albert van Sakse-Koburg en Gotha SSH prins Albert van Sakse-Koburg en Gotha SSH prins Albert van Sakse-Koburg-Saalfeld
Huis	Sakse-Koburg en Gotha
Vader	Ernest I, Hertog van Sakse-Koburg en Gotha
Moeder	Prinses Louise van Saxe-Gotha-Altenburg
Gebore	26 Augustus 1819; Schloss Rosenau, Koburg, Sakse-Koburg-Saalfeld
Oorlede	14 Desember 1861; Windsor-kasteel, Berkshire, Engeland

Lewe

Hy was 'n Duitse boorling wat in die Saksiese hertogdom van Sakse-Koburg-Saalfeld gebore is. Sy familie het bande met baie van Europa se koningshuise gehad. Op 20-jarige ouderdom trou hy met sy niggie, koningin Victoria van die Verenigde Koninkryk, by wie hy nege kinders gehad het.

Hy het in kuns, musiek, wetenskap en die nywerheid belanggestel. In 1851 reël hy die Groot Tentoonstelling in Londen. Dit was 'n groot sukses en het sy gewildheid in Engeland aangehelp.

Dood

Die prinsgemaal is op 14 Desember 1861 aan ingewandskoors dood weens die swak sanitêre toestand in Windsor-kasteel. Sy dood het Victoria baie swaar getref nadat haar ma vroeër in die jaar dood is.^[1] Sy het ’n routydperk betree en vir die res van haar lewe swart gedra. Sy het min in die openbaar verskyn en die volgende paar jaar min in Londen gekom. Haar afsondering het haar die bynaam "Weduwee van Windsor" besorg. Sy het haar seun Edward, die Prins van Wallis, vir sy pa se dood blameer – Albert het in November gehoor van Edward se swak gedrag en het na Cambridge gereis om sy seun te konfronteer.^[1]

Ná koningin Victoria se dood in 1901 het Edward haar opgevolg as die eerste koning van die Huis van Sakse-Koburg en Gotha, genoem na die huis waartoe prins Albert behoort het.

Nageslag

Victoria en Albert het 42 kleinkinders gehad en hulle huidige afstammelinge tel etlike honderde. Die Europese monarge en voormalige monarge wat van hulle afstam, is: Elizabeth II van die Verenigde Koninkryk (asook haar man), Harald V van Noorweë, Carl XVI Gustaf van Swede, Margrethe II van Denemarke, Juan Carlos I van Spanje (asook sy vrou), en die afgesette konings Konstantyn II van Griekeland (asook sy vrou) en Michael van Roemenië. Die aanspraakmakers op die troon van Serwië, Rusland, Pruise en Duitsland, Sakse-Koburg en Gotha, Hannover, Hesse, Baden en Frankryk is ook afstammelinge.^[2]

Kinders

Naam	Gebore	Oorlede	Notas
Prinses Victoria, keiserin van Duitsland	21 November 1840	5 Augustus 1901	Getroud 1858, Friedrich III, Duitse keiser en koning van Pruise; het kinders gehad.
Koning Edward VII	9 November 1841	6 Mei 1910	Getroud 1863, prinses Alexandra van Denemarke; het kinders gehad.
Prinses Alice, Groothertogin van Hesse	25 April 1843	14 Desember 1878	Getroud 1862, Ludwig IV, Groothertog van Hesse en by Ryn; het kinders gehad.
Prins Alfred, die Hertog van Sakse-Koburg en Gotha en Hertog van Edinburg	6 Augustus 1844	31 Julie 1900	Getroud 1874, groothertogin Marie Aleksandrowna van Rusland; het kinders gehad.
Helena, prinses Christiaan van Sleeswyk-Holstein	25 Mei 1846	9 Junie 1923	Getroud 1866, prins Christian van Sleeswyk-Holstein-Sonderburg-Augustenburg; het kinders gehad.
Prinses Louise, Hertogin van Argyll	18 Maart 1848	3 Desember 1939	Getroud 1871, John Douglas Sutherland Campbell, 9de Hertog van Argyll; geen kinders.
Prins Arthur, Hertog van Connaught en Strathearn	1 Mei 1850	16 Januarie 1942	Getroud 1879, prinses Louise Margaret van Pruise; het kinders gehad.
Prins Leopold, Hertog van Albany	7 April 1853	28 Maart 1884	Getroud 1882, prinses Helena van Waldeck en Pyrmont; het kinders gehad.
Beatrice, prinses Henry van Battenberg	14 April 1857	26 Oktober 1944	Getroud 1885, prins Henry van Battenberg; het kinders gehad. Henry??