Aldi

Aldi ('n afkorting van Albrecht-Discount, "Albrecht-afslagwinkel") is 'n Duitse supermarkketting wat in 1946 in Mülheim an der Ruhr in die deelstaat Noordryn-Wesfale deur die broers Karl (1920–2014) en Theo Albrecht (1922–2010) gestig is (alhoewel die onderneming se oorspronge terugstrek tot 1913).. Die onderneming is later opgedeel in Aldi Nord (bestuur deur Theo) en Aldi Süd (bestuur deur Karl). Buitelandse dogtermaatskappye het in Europa en oorsee (Verenigde State en Australië) ontstaan.

Aldi Nord/Aldi Süd

Tipe	Aldi Nord: GmbH & Co. oHG Aldi Süd: GmbH & Co. oHG Streeksfiliale: GmbH & Co. KG (Duitsland), AG (Switserland)
Gestig	1913 (vanaf 1962 bekend as ALDI)
Hoofkantoor	Essen (Aldi Nord) Mülheim an der Ruhr (Aldi Süd) , Duitsland
Sleutelpersone	Marc Heussinger (Aldi Nord) Norbert Podschlapp (Aldi Süd)
Inkomste	€9,95 miljard[1] (Aldi Nord) €12,5 miljard[1] (Aldi Süd) €52,8 miljard[1] (Aldi-Groep totaal, wêreldwyd)
Aantal werknemers	23 021[1] (Aldi Nord) 26 193[1] (Aldi Süd)
Webwerf	aldi.com

'n Aldi-winkel in 2015

Vanaf 2016 is'n moderniseringsprogram onderneem waarin die "Aldi-winkel van die toekoms" sentraal staan

Aldi-supermark in Londen

Aldi het sy groot sukses in die kleinhandelsbedryf aan sy innoverende konsep te danke – met 'n beperkte verskeidenheid wat hoofsaaklik uit generiese produkte van hoë gehalte bestaan en wat gewoonlik sowat die helfte minder kos as vergelykbare handelsmerke, eenvoudig toegeruste winkels, 'n voortdurend geoptimeerde logistiek en 'n weeklikse aanbod van nie-voedselprodukte soos tekstiele, elektroniese verbruikersware en ander teen lae pryse.

Aldi in die Verenigde State

In die Verenigde State doen Aldi Nord sake onder die naam Trader Joe's.^[2]